Bakı/12.05.17/Turan: Azərbaycan Gözdən Əlillər Cəmiyyətinin bir qrup üzvü dövlət başçısı İlham Əliyevə müraciət ünvanlayıb.
Onlar qurumun sədri Səfiyar Abdullayevin Cəmiyyətə məxsus daşınmaz əmlakı üzvlərdən xəbərsiz ayrı-ayrı vaxtlarda özəl şirkətlərə satmasından şikayət edirlər.
Əsasən söhbət "Səbinə" kooperativi, "Mərhəmət" mağazası, Ş.Qurbanov küçəsindəki Mədəniyyət Evi və Ü.Hacıbəyov küçəsindəki Mərkəzi Mədəniyyət Evinin torpaq və avadanlıqlarının satışından gedir.
Müəlliflər qeyd edirlər ki, 2007-ci ildə Bakı Şəhər İcra Hakimiyyəti C.Hacıbəyli küçəsində yaşayış binasının tikintisi üçün 1775kv. metr sahə ayırıb. Ancaq ərazi "İnter-ST" MMC-yə satılıb. Cəmiyyət üzvlərinə deyilib ki, bunun əvəzində 200 kv. metr qeyri-yaşayış sahəsi alacaqlar ki, burada da mətbəə olacaq.
Müraciətdə deyilir ki, Cəmiyyətin keçmiş torpaqlarında iki ədəd 18 mərtəbəli bina tikilib, ancaq gözdən əlillərə bir mənzil belə verilməyib.
Bundan əlavə, F.Yusifov küçəsi, 40 ünvanındakı boş sahəni satmaq istəyirlər.
Gözdən əlillər dövlət başçısından məsələyə müdaxilə etməsini və onların hüquqlarının pozulmasına yol verilməməsini xahiş edirlər.
Öz növbəsində Gözdən Əlillər Cəmiyyətinin sədri Səfiyar Abdullayev Turan-a bildirib ki, bütün deyilənlər "əsassızdır".
Onun sözlərinə görə, bütün şikayətlər və tikilən bunalarla bağlı auditor yoxlaması aparılıb və hər hansı bir qanunsuzluq aşkar edilməyib.
"Bunların arxasında konkret maraq güdən adamlar dayanır və bütün deyilənlər yalandır", -o bildirib.-05D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz