![Gözəl Bayramlı istintaq təcridxanasında hüquqlarının pozulduğunu bildirir](https://turan.az/resized/media/2017/main/063000002753-750-500-resize.webp)
Gözəl Bayramlı istintaq təcridxanasında hüquqlarının pozulduğunu bildirir
Bakı/01.07.17/Turan: Kürdəxanı istintaq təcridxanasında saxlanılan Azərbaycan Xalq Cəbhəsi Partiyasının sədr müavini Gözəl Bayramlı hüquqlarının pozulduğunu bildirib və Azərbaycan ombudsmanının ona baş çəkməsini tələb edib.
Bu barədə Turan-a vəkil Əsabəli Mustafayev bildirib.
İyunun 30-da o, istintaq təcridxanasında Bayramlıya baş çəkib.
Elə həmin gün Bayramlı barəsində istintaq hərəkəti olub.
Ona istintaq orqanının tibbi ekspertiza təyin edilməsi haqqında qərarı elan edilib.
Mayın 25-də sərhəddə saxlanılarkən Gözəl Bayramlı bədən xəsarəti alıb.
Amma vaxtında ekspertiza keçirilməyib.
"Biz bu məsələni Gözəl Bayramlı ilə müzakirə etdik və qərara gəldik ki, bir ay sonra ekspertiza keçirilməsinin heç bir mənası yoxdur. Çünki zaman keçib və bədən xəsarətinin mövcudluğunu və ağırlıq dərəcəsini müəyyən etmək mümkün deyil", deyə vəkil bildirib.
Eyni zamanda, Bayramlının səhhəti pisləşməkdə davam edir.
Həkimlər artıq istintaq təcridxanasında Bayramlını bir neçə dəfə müayinə ediblər. Amma müayinə nəticələri gizlədilir. Müayinələrin nəticələrinə görə heç bir müalicə təyin edilmir. Digər tərəfdən, Tbilisidən qayıdarkən Bayramlıdan orada yazılmış reseptləri və onun üzərində olan dərmanları alıblar.
İstintaq təcridxanasında Bayramlının qanuni maraqları üçün əhəmiyyət kəsb edən şəxslərlə telefon danışıqları hüquqları da məhdudlaşdırılıb.
Bayramlı hüquqlarının təmin edilməməsi ilə bağlı şikayətlərilə əlaqədar ombudsman Elmira Süleymanovanın ona baş çəkməsini xahiş edib, deyə vəkil Mustafayev qeyd edib.
Gözəl Bayramlı mayın 25-də Gürcüstandan qayıdarkən saxlanılıb. O, 206.1-ci (qaçaqmalçılıq) maddə ilə ittiham olunur. Mayın 26-da Səbail rayon məhkəməsi onun 3 aylıq həbsinə qərar verib. Rəsmi bəyanatda deyilir ki, Gürcüstandan qayıdarkən onun şəxsi əşyaları arasında 12 min avro aşkar edilib. Məhkəmədə Gözəl Bayramlı qeyd edib ki, bu pulu hüquq-mühafizə orqanlarının əməkdaşları onun üzərinə atıb və onun həbsi siyasi xarakter daşıyır. -06D--
-
- Cəmiyyət
- 1 İyul 2017 10:33
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz