Gözlənilən qasırğa ilə əlaqədar 300 dənizçi təxliyə edilib
“Martın 31-də gözlənilən qasırğa ilə əlaqədar 300 dənizçi təxliyə edilib. Bu barədə Turan-a Neftçilərin Hüquqlarını Müdafiə Komitəsinin sədri Mirvari Qəhrəmanlı bildirib.
Onun sözlərinə görə, bunlar “Neft Daşları”, “Abşeronneft” və N.Nərimanov adına Neft-Qazçıxarma İdarəsinin işçiləridir.
M.Qəhrəmanlı deyib ki, “28 May”, “Bahar”, “Günəşli” platformalarından təxliyə edilən olmayıb, bu platformalarda işləyən fəhlələrin ailələri çox narahatdırlar. “Xüsusilə, 2015-ci ilin dekabrında çoxsaylı insan itkisi baş vermiş “Günəşli” yatağının 10 saylı platformasında çalışan neftçilərin ailələri narahatlıq keçirirlər. Onların sözlərinə görə, bu platformada 2015-ci ildə baş verən faciədən sonra təmir işlərinin getdiyi bildirilsə də tam başa çatmayıb, insanların həyatı üçün təhlükə qalmaqdadır”, - o bildirib.
Komitə sədri qeyd edib ki, Qum adasında “Baha Enerji” şirkətindən təxliyə haqda informasiya yoxdur.
Qeyd edək ki, Milli Hidrometorologiya Departamenti martın 31-nə güclü şimal-qərb küləyi və qasırğanın gözlənilməsi barədə açıqlama yayıb.
Xatırladaq ki, 2015-ci il dekabrın 5-də 10 saylı paltformada qasırğa yanğına səbəb olub və 32 nəfər həyatını itirib. 2016-cı il dekabrın 15-də isə N.Nərimanov adına Neft-Qazçıxarma İdarəsinin 3 saylı Neft Yığım Məntəqəsində qasırğa estakadının bir hissəsini üzərindəki budkada 10 neftçi ilə birlikdə dənizə uçurub. Bu ilin mart ayında isə “Bahar Enerji” şirkətinə aid quyularda təmir aparan dənizçilərdən biri həlak olub, digəri isə ağır xəsarət alıb.
Ekspertlər hesab edirlər ki, bütün bu faciələrin baş verməsinə səbəb neft sənayesinə rəhbərlik edən şəxslərin qabaqlayıcı tədbirlər görməməsidir. -05В-
-
- Mədəniyyət
- 30 Mart 2017 19:08
-
- Siyasət
- 30 Mart 2017 19:36
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz