Martın 17-də axşam güclü külək Zaqatala, Qax və Balakən rayonlarında yaşayış və təsərrüfat tikililərinə ciddi ziyan vurub. Turan-ın bölgə müxbirinin FHN komissiyasına istinadla verdiyi məlumata görə, güclü külək Zaqatalanın Car kəndində məktəbin və habelə Zaqalata şəhərində yerli internat məktəbinin və uşaq bağçasının damını uçurub.
Külək Zilban, Yuxarı Çardaxlaq, Muxax kəndlərində də yaşayış evlərinin damlarını uçurub.
Qırılan dam örtükləri ona yaxın avtomobilə ziyan vurub. Onlarla böyük ağac qırılıb, elektrik ötürücü xətlərinə ziyan dəyib və Zaqatala şəhərinin bir çox kənd və rayonları işıqsız qalıb. Yerli hakimiyyət FHN-lə birlikdə fəlakətin nəticələrinin aradan qaldırılması üçün tədbirlər görür.
Qaxda güclü külək şəhərin özündə və bir neçə kənddə onlarla evə və tikiliyə ziyan vurub.
Balakəndə 50 yüksək voltlu elektrik ötürücüsü xətti dirəyi yıxılıb. Onlarla kəndə elektrik enerjisi verilməsi dayandırılıb.
Xəsarət alanlar haqqında məlumat verilmir. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz