Sentyabrın 30-da Bakı Ağır Cinayətlər Məhkəməsində keçmiş deputat Gülər Əhmədovanın işi üzrə hazırlıq iclasının keçiriləcəyi barədə bəzi KİV-in yaydığı məlumatlar təsdiqini tapmayıb. Bu gün məhkəməyə gələn jurnalistlərə bildirilib ki, hazırlıq iclası oktyabrın 21-nə keçirilib. İşə Əlisultan Osmanovun sədrliyi ilə baxılacaq.
Keçmiş deputatın vəkili Əfsər Tağıyev bildirib ki, ona hazırlıq iclasının vaxtı barədə məlumat verilməyib.
Xatırladaq ki, Gülər Əhmədova 178.2 (dələduzluq) və 307.2-ci (cinayətin qəsdən gizlədilməsi) maddələrlə ittiham olunur. O, hər iki maddə üzrə əmlakı müsadirə olunmaqla 12 ilədək azadlıqdan məhrum edilə bilər.
Həbsə Beynəlxalq Universitetin keçmiş rektoru Elşad Abdullayevin yaydığı videogörüntülər səbəb olub. Gizli kamera ilə çəkilmiş həmin kadrlarda G.Əhmədova və onunla əlbir olan Sevinc Babayevanın E.Abdullayevin deputat seçilməsi üçün ondan 1 mln. dollar aldığı görünür. –16C03/06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz