![Ankaradakı Sincan həbsxanası](https://turan.az/resized/media/2023/main/070900064151-750-500-resize.webp)
Ankaradakı Sincan həbsxanası
Gürcü mafiya liderini öldürməkdə ittiham edilən şübhəli şəxslər ittihamı rədd ediblər
Bakı/09.07.23/Turan: Turan İnformasiya Agentliyinə Türkiyənin hüquq-mühafizə orqanlarından daxil olan məlumata görə, gürcü mafiya lideri Revaz Lordkipanidze-nin (ləqəbi `Rezo Tiflis`) yanvarın 15-də Trabzonda qətlə yetirilməsiylə bağlı aparılan istintaq işi davam edir.
Hadisə ilə əlaqədar təhlükəsizlik qüvvələri 1990-cı illərin əvvəllərində Azərbaycanın ərazi bütövlüyü uğrunda aparılan mübarizənin(Birinci Qarabağ savaşı) iştirakçısı olmuş iki nəfəri həbs etmişdir.Hal-hazırda Ankaradakı Sincan həbsxanasında saxlanılan şübhəli şəxslərin adları Nebo Xosrov oğlu Mustafayev və Reduan Andreyeviç Mustafayev-dir.
Qırğızıstan vətəndaşı olan şübhəli şəxslər “Planlaşdıraraq və qəsdən adam öldürmək” ittihamıyla üzbəüz qalsalar da irəli sürülən ittihamı rədd edərək Lordkipanidze-nin ölümünün gürcü mafiyasının öz arasındakı hesablaşmanın nəticəsi olduğunu bildirmişlər.
”Gürcü mafiyası lideri və ətrafındakı qrup Türkiyə düşmənçiliyi ilə tanınmışdır.Şübhəli şəxs kimi həbs edilən hər iki şəxs ittihamı rədd edərək Lordkipanidze-nin qətlinin nə planlaşdırılmasında nə də həyata keçirilməsində iştirak etdiklərini vurğulamışlar”- agentliyə məlumat verən şəxs bildirib.
İstintaq işinin payızda yekunlaşdırılaraq məhkəməyə göndərilməsi nəzərdə tutulub. İşlə bağlı gürcü mafiyasının digər üzvlərinin ifadələrinin alınması üçün beynəlxalq səviyyədə yazışmalar aparılır.--0--
Rəy yaz
Cəmiyyət
-
Bakının Qaradağ rayonundan yeni köçkün qrupu Şuşa şəhərinə gedib, Qaçqınların və Məcburi Köçkünlərin İşləri üzrə Dövlət Komitəsi bildirib. Şuşanın yetmiş doqquz sakini, o cümlədən 21 ailə doğma şəhərə qayıdıb.
-
İyulun 31-də paytaxtda yağıntı gözlənilmir. Cənub-qərb küləyi əsəcək, günün ikinci yarısında şimal-qərb küləyinə keçəcək.
-
Azərbaycan Mərkəzi Seçki Komissiyası politoloq, “Atlas” Analitik Mərkəzinin rəhbəri Elxan Şahinoğluna bildirib ki, qarşıdakı parlament seçkilərində onun namizədliyi qəbul edilməyib. Şahinoğlu bu qərar barədə X sosial media- platforma vasitəsilə bildirib və məlumat verib ki, yeddigünlük cavab müddətinin bitməsinə cəmi 30 dəqiqə qalmış Mərkəzi Seçki Komissiyası onu telefonla xəbərdar edib.
-
Ölkənin ən böyük özəl operatoru “Bakcell” “Dream Fest” Beynəlxalq Musiqi Festivalının premium sponsoru olub. Festival ərzində iştirakçılar “Bakcell” stendinə yaxınlaşaraq şirkətin yeni və innovativ məhsulları barədə məlumat alıblar, xüsusi hədiyyələr qazanmaq imkanı əldə ediblər. Bundan əlavə, şirkət festivalda çıxış edən dünya ulduzlarına “Bakcell” nömrələri təqdim edərək onları ölkəmizdə olduqları müddətdə yüksəkkeyfiyyətli mobil rabitə xidmətləri ilə təmin edib.
1 rəy
Cypriz
2024-01-22
Onlara hangi süre verildi?