Qafqaz Müsəlmanları İdarəsinin sədri, şeyxülislam Allahşükür Paşazadə cümə axşamı Gürcüstan Pravoslav Kilsəsinin nümayəndə heyətilə görüşüb.
A.Paşazadə Azərbaycan və gürcü xalqları arasındakı mənəvi əlaqələrin tarixi əhəmiyyətindən danışıb. Gürcüstan katalikos-patriarxı II İlya həzrətlərinin Qafqazda ağsaqqal və dini lider kimi hər zaman nüfuza malik olduğunu söyləyib.
Görüşdə yaxın aylarda dinlərarası dialoq və dini-mənəvi dəyərlərin qlobal problemlərin həllində rolu mövzusunda QMİ və Gürcü Patriarxlığının birgə Beynəlxalq konfrans keçirməsi ideyası müzakirə olunub, bu barədə razılığa gəlinib.
Görüşdə Mitropolit Gerasimlə birgə Azərbaycana təşrif buyurmuş nümayəndə heyətinin üzvləri yepiskop Ramazi Kapanidze, teoloq Georgi Andriadze, QMİ-nin Gürcüstan üzrə səlahiyyətli nümayəndəsi Əli Əliyev iştirak ediblər. Görüşdə həmçinin QMİ sədrinin müavinləri - Müfti S.Musayev, S.Həsənli, F.Nurullah, Q. Cavadlı, R.Əliyarlı, QMİ Aparatının rəhbəri S.Həsənov və İdarənin mətbuat xidmətinin rəhbəri R.Dadaşova iştirak ediblər.
Görüşün sonunda QMİ sədri qonaqlara xatirə hədiyyəsi təqdim edib. -05D-
Cəmiyyət
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
Rəy yaz