Gürcüstanda jurnalistlər və hüquq müdafiəçiləri Əfqan Muxtarlının oğurlanmasına etiraz edirlər
Bakı/31.05.17/Turan: Tbilisidə jurnalist Əfqan Muxtarlının oğurlanaraq Azərbaycana verilməsinə qarşı parlamentin binası önündə keçirilən etiraz aksiyasına yüzə yaxın jurnalist, fəal və hüquq müdafiəçisi qoşulub.
Toplaşanlar əllərində insan hüquqlarını və beynəlxalq hüquq normalarını pozan Gürcüstan hakimiyyətini pisləyən şüar və plakatlar tutublar.
"Hüquqi əsas olmadan və bu cür amansız şəkildə insanı oğurlamaq və onu üçüncü ölkəyə vermək Avropa İttifaqına üzvlüyə iddialı olan AŞ üzvü üçün yolverilməzdir", - aksiya iştirakçılarından biri azərbaycanlı jurnalistlərlə söhbətində deyib.
Leyla Mustafayeva
Əfqan Muxtarlının xanımı Leyla Mustafayeva həyat yoldaşının pasportunu iştirakçılara göstərərək onun sərhəddi qanunsuz keçmək istəməsi barədə Azərbaycan Baş Prokurorluğunun versiyasını rədd edib.
"Bu cür fikirlər gülüncdür. Kim sərhəddi qanunsuz, pasportsuz keçər, hansı məqsədlə?", - o deyib.
Aksiya iştirakçıları Gürcüstan hakimiyyətindən baş verənlərin araşdırılmasını, insan hüquqları və demokratiyanın prioritet olduğunu bəyan edən demokratik ölkədə by cür halın baş verməsinə aydınlıq gətirilməsini tələb edir.
Hələ ki Gürcüstan hakimiyyəti mayın 29-da axşam Tbilisidə Əfqan Muxtarlının oğurlanaraq pasportsuz Bakıya gətirilməsini şərh etmir.-0-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz