Bakı/31.05.17/Turan: "Jurnalist Əfqan Muxtarlının Gürcüstanda saxlanmasının və Azərbaycana gətirilməsinin hüquqi əsasları öyrənilməlidir. Əgər şəxsin barəsində əvvəlcədən saxlanma qərarı verilibsə bu saxlanma əsaslıdır", - deputat Fazil Mustafa Əfqan Muxtarlının ətrafında yaranan vəziyyəti Turan-a şərh edərkən bildirib.
Onun sözlərinə görə, hüquqdankənar addım atılıbsa bu da öyrənilməlidir və eyni zamanda bu sahədə Azərbaycan-Gürcüstan hüquqi əməkdaşlığının nələrə yol verdiyini bilmək lazımdır: "Türkiyənin nümunəsində bunu görmək olar. Yunanıstanla hüquqi əməkdaşlığa dair saziş var, amma buna əməl edilmir. Türkiyənin tələb etdiyi şəxsləri vermir. Həm də Gürcüstan Azərbaycanla qonşu ölkədir, sabah onun üçün hansısa arzuedilməz şəxsin Azərbaycanda olmasını istəməz".
F.Mustafa Ə.Muxtarlının həbsinin motivini də bilmədiyini, bir müxalif yazarın həbsi kimi yanaşırlarsa Ə.Muxtarlının hakimiyyətə münasibətdə elə bir tənqidi yazılarına da rast gəlmədiyini söyləyib: "Amma istənilən halda bu həbslə bağlı hansısa ziddiyyət varsa bu, öyrənilməldir",- F.Mustafa deyib.
Ə.Muxtarlı mayın 29-da Gürcüstanda saxlanılaraq Azərbaycana gətirilib, ona qarşı Cinayət Məcəlləsinin qaçaqmalçılıq və dövlət sərhəddinin pozulması maddələrilə ittiham irəli sürülüb. 05B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz