Tbilisi/17.11.15/Turan-BSPRESS: Gürcüstan Dövlət Təhlükəsizliyi Xidməti “İslam dövləti” (İŞİD) təşkilatı tərəfindən cəlb edilən şəxsin saxlanmasında Azərbaycana yardım göstərib. Bu barədə Gürcüstan Dövlət Təhlükəsizliyi Xidməti rəhbərinin müavini Levan İzoriya “Maestro” teleşirkətinə müsahibəsində deyib.
“Bizim verdiyimiz məlumat əsasında dünən Balakən rayonunda Azərbaycan vətəndaşı saxlanılıb. O, Suriyaya gedərək “İslam dövləti” sıralarında döyüşmək üçün sərhəddi qanunsuz keçməyə cəhd göstərib”, - L.İzoriya bildirib.
O qeyd edib ki, Gürcüstanın İŞİD tərəfindən cəlb edilən şəxslər üçün tranzit ölkəyə çevrilməməsindən ötrü bütün tədbirlər həyata keçirilir.
Məsələ ilə bağlı Azərbaycan Milli Təhlükəsizlik Nazirliyindən şərh almaq mümkün olmayıb.02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz