Bakı/01.06.17/Turan: Bakı şəhəri, Yasamal rayonu, Abdulla Şaiq küçəsi, 79-da yerləşən "Hacı Cavad" məscidinin həmin rayonun ərazisində yeni ünvanda təməlinin qoyulacağı məkana baxış olub.
Qafqaz Müsəlmanları İdarəsinin (QMİ) xəbərinə görə, məscidin yeni binasının inşa olunacağı əraziyə baş nazirin birinci müavini YaqubEyyubov gəlib.
QMİ sədri Allahşükür Paşazadə tikiləcək məscidin ərazisi, layihəsi, eskizləri, memarlıq cəhətdən özəllikləri ilə yaxından tanış olub.
QMİ sədri A.Paşazadə Azərbaycan rəhbərliyinin bu addımını bütün Azərbaycan dindarlarına töhfə adlandırıb. Məscid binası tikintisinin mübarək Ramazan ayında başlanmasının özəl mənəvi əhəmiyyətini və xeyirlərə vəsilə olacağını xüsusi vurğulayır.
Ölkədə din-dövlət münasibətlərinin yüksək səviyyəsindən məmnunluğunu bildirən QMİ sədri Dini Qurumlarla iş üzrə Dövlət Komitəsinin rəhbərliyinin bu işdə rolunu xüsusi vurğulayıb.
Dini Komitə sədri Mübariz Qurbanlı bu məscidin tikintisinin gələn ilin Ramazan ayına bitəcəyini söyləyib və bunu indidən gözəl hədiyyə adlandırıb.
"Hacı Cavad" məscidinin tikintisi "Azərbaycan" nəşriyyatının arxasındakı boş 12014 sahəlik ərazidə aparılacaq, bu ərazi H.Cavad məscidinin keçmiş "sovetski"dəki ərazisindən 2 dəfə böyükdür. Kompleksin 2018-ci ilin Ramazan ayına kimi başa çatdırılması nəzərdə tutulur. -0-
Cəmiyyət
-
Azərbaycanla Ermənistan növbəti mərhələdə delimitasiya işlərinin İranla sərhədə qədər başlanması barədə razılığa gəlib. Bununla bağlı yanvarın 16-da Azərbaycan baş nazirinin müavini Şahin Mustafayevlə ermənistanlı həmkarı Mher Qriqoryanın sədrliyi ilə iki ölkənin dövlət sərhədinin delimitasiya və təhlükəsizliyi komissiyalarının iclasında razılıq əldə edilib.
-
Yanvarın 20-də Bakıda və Abşeron yarımadasında yağışlı və küləkli hava şəraiti gözlənilir. Bu barədə meteoroloji proqnozlarda məlumat verilib.
-
18 yanvar tarixində Azərbaycan üzrə hava proqnozu ölkənin müxtəlif bölgələrində dəyişkən hava şəraiti gözlənildiyini, bəzi ərazilərdə yağışın olacağını bildirir.
-
“Azercell” istifadəçilərə daha rahat xidmət təcrübəsi təqdim etmək məqsədilə öz mobil tətbiqinə "Qonaq girişi" funksiyasını əlavə edib. Bu yenilik bütün istifadəçilərə Azercell-in müxtəlif xidmət və məhsullarını daha əlçatan edir.
Rəy yaz