Açiq mənbələrdən foto.
Bakı/12.10.23/Turan: Ötən gecə Hacıqabul rayonunun Navahı qəsəbəsində taxta yaşayış evində baş vermiş yanğın nəticəsində 5 nəfər ölüb, 1 nəfər xəsarət alıb.
Baş Prokurorluğun məlumatında həlak olanların adları açıqlanıb: Mütəllim Məmmədov, Sara Abişova, Aybəniz Abışova, Zəhra Sadıqova və Elgün Sadıqova.
Digər zərərçəkən Şölə Həsənova xəstəxanaya çatdırılıb və tibbi yardım göstərildikdən sonra evə buraxılıb.
Faktla bağlı Hacıqabul prokurorluğunda araşdırma aparılır. 03B06
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz