Məhkəmə-Hüquq Şurası (MHŞ) oktyabrın 28-də Ağır Cinayətlərə dair İşlər üzrə Bakı Məhkəməsinin hakimi Həsən Əliyevin səlahiyyətlərinə vaxtından əvvəl xitam verilməsi haqqında vəsatət qaldırıb.
MHŞ-nin məlumatına görə, bu qərara Əliyevin yol verdiyi qanun pozuntuları, korrupsiya üçün şərait yaratması, etik davranış normalarını pozması səbəb olub. Bununla Əliyev ədalətli mühakimə və hakim adına xələl gətirib, deyə məlumatda bildirilir. Lakin onun konkret olaraq təqsirkar olduğu açıqlanmır.
Qeyd edək ki, bir müddət əvvəl “Azadlıq” qəzeti redaksiyaya Əliyevin hansısa biznesmeni aldatdığı və aldatma yolu ilə 600 min manatı mənimsədiyi haqqında şikayət daxil olduğunu yazmışdı.
Qanunvericiliyə əsasən, birinci instansiya məhkəməsinin hakimini vəzifədən prezident azad edir.
Xatırladaq ki, bir müddət əvvəl prezidentin təqdimatı əsasında parlament Bakı, Gəncə və Şirvan apellyasiya məhkəmələrinin üç hakiminin səlahiyyətlərini dayandırmışdı. Son üç ildə 30 hakim məhkəmə sistemindən kənarlaşdırılıb. -16D-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz