![Hakim Partiyadan olan deputat Tarif Şurasının qərarını pisləyib](https://turan.az/resized/750/500/resize/media/2016/main/120700177086.jpg)
Hakim Partiyadan olan deputat Tarif Şurasının qərarını pisləyib
Hakim Yeni Azərbaycan Partiyasından deputat Yevda Abramov parlamentdə büdcə müzakirələri zamanı elektrik enerjisinin və qazın qiymətinin artırılması ilə bağlı Tarif Şurasının son qərarını tənqid edib.
Turan məlumat verir ki, deputat bildirib ki, Tarif Şurasının arqumentinin anlamır və qiymət artımı ilə razı deyil.
“Tarif Şurası deyir ki, əhalinin 62%-i bu artımı hiss etmir. Mən bu rəqəmlərə inanmıram”, - o qeyd edib.
Y.Abramov bildirib ki, indiki vaxtda qiyməti artırmaq və xalqı daha da ağır vəziyyətə salmaq düzgün deyil.
“Məmurlar belə ciddi qərarlar qəbul edərkən xalqı düşünürlərmi? Mən buna şübhə edirəm”, - o vurğulayıb.
Bununla yanaşı Y.Abramov “qara valyuta bazarı”nın çiçəklənməsilə bağlı narazılığını bildirib.
O qeyd edib ki, bəzi metrostansiyaların yaxınlığında adamlar xarici valyutanı sərbəst şəkildə alır və satır.
“Bu adamların avtomobillərinin baqajında dollar kisələri haradandır? Belə olan halda valyutadəyişmə məntəqələri niyə bağlanıb? Praktika göstərdi ki, valyutadəyişmə məntəqələrinin bağlanması barədə qərar özünü doğrultmadı”, - o qeyd edib.
Deputat Elmira Axundova da valyutadəyişmə məntəqələrinin aqibətilə bağlı danışıb.
“Qara bazar” çiçəklənir. Günlərlə valyuta ala bilmirik. Ancaq “qara bazar”da istənilən həcmdə valyuta tapmaq olar. Başa düşmirəm ki, niyə valyutadəyişmə məntəqələrini bağladılar. Fikrimcə, onları açmaq lazımdır”, - o bildirib.
Deputat Əli Məsimli hökumət nümayəndələrinə bir neçə sualla, o cümlədən “indiki maliyyə-kredit siyasəti üçüncü devalvasiyaya doğru aparmır ki”, “manatın məzənnəsi nə zaman sabitləşəcək”, “xarici valyutada krediti olan vətəndaşlara konkret güzəştlər olacaqmı” kimi suallarla müraciət edib.
Hakim partiyadan digər deputat Siyavuş Novruzov bildirib ki, dövlət aparatında struktur islahatları aparılmalı və artıq qurumlar ləğv edilməlidir.
Deputat Rafael Cəbrayılov diqqəti regionların inkişaf proqramlarının uğursuzluğuna yönəldib: “Çox sayda dövlət proqramının həyata keçirilməsinə baxmayaraq, regionlar iqtisadi baxımdan müstəqil ola bilmədilər. Əgər bu sahədə uğur yoxdursa, deməli, kifayət qədər problem var. Məhz bununla əlaqədar regionların böyük əksəriyyəti dövlət dotasiyasının hesabına yaşayır”.–71D-
-
- İqtisadiyyat
- 7 Dekabr 2016 14:57
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz