Bakı/15.12.18/Turan: Ötən gün Bakı Apellyasiya Məhkəməsində Toğrul Hacıyevin inzibati həbsindən şikayətinə baxılıb. O, dekabrın 11-də şəhid ailələri üzvlərinin etiraz aksiyası zamanı saxlanılıb.
Həmin gün T.Qocayev polisə tabe olmamaq ittihamı ilə 30 sutkalığa həbs olunub. O, məhkəmədə deyib ki, qanun pozuntusuna yol verməyib, sadəcə, digər şəhid ailələri ilə birlikdə prezidentin sərəncamı ilə onlara müəyyən edilmiş kompensasiyanın ödənilməsini tələb edib. O, müqavimət göstərməyib, onu mülki geyimli şəxslər açıqlama vermədən saxlayıblar.
Bununla belə, hakim Əmir Bayramov T.Qocayevə iradını bildirib: "Atan canını ona görə fəda eləməyib ki, sən gedib kimlərəsə qoşulasan". Bununla da hakim T.Qocayevin etirazda iştiraka görə həbs olunduğunu faktiki olaraq etiraf edib.
Sonra deyib ki, əgər dövlət orqanlarına müraciət edibsə, cavabı gözləmək lazımdır. T.Qocayev isə cavabında deyib ki, 16 oktyabrda yazdıqları ərizəyə hələ də cavab almayıblar.
Sonda hakim yüngülləşdirici hallar nəzərə alınaraq T.Qocayevin həbs müddətinin 30 sutkadan 15 sutkaya endirilməsi barədə qərar qəbul edib
T.Qocayevin anası hakimə oğlunun himayəsində iki azyaşlı uşağı olduğunu söyləyərək onun azadlığa buraxılmasını xahiş edib. Hakimin cavabı belə olub: "Mənim gücüm ancaq buna çatdı".
Xatırladaq ki, bu ilin yazında prezident İlham Əliyev 1991-97-ci illərdə Azərbaycanın ərazi bütövlüyü uğrunda həlak olanların və itkin düşənlərin ailələrinə 11 min manat məbləğində birdəfəlik kompensasiyanın verilməsi barədə sərəncam imzalayıb.
Kompensasiyaların verilməsinə oktyabrın 9-dan başlanılıb. Lakin ailələrin çoxuna verməyərək bildiriblər ki, onlar əvvəllər bu vəsaiti alıblar. Narazı vətəndaşlara məhkəməyə müraciət etməyi tövsiyə ediblər. Lakin məhkəməyə müraciət etmək üçün mərhumun ailəsi dövlət orqanlarından rəsmi imtina almalıdır, ancaq rəsmi sənədi vermirlər.
"Azərsığorta" Dövlət Şirkətindən bildiriblər ki, 1990-cı illrədə hərbçilərin icbari sığortası haqqında qanun çərçivəsində bəzi ailələrə kompensasiya ödənilib. O zaman kompensasiyanın məbləği denominasiya edilməmiş 50000-200000 edirdi ki, indiki 10-40 manata bərabərdir.-06D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz