Bakı/03.05.19/Turan: Cümə günü saat 12-də ölkədən çıxışına qadağa qoyulmuş bir qrup jurnalist Baş Prokurorluğun Ağır Cinayətlər üzrə İdarəsinin qarşısında etiraz aksiyası keçirib.
Aksiya iştirakçıları 4 il əvvəl prokurorluğun qoyduğu qadağanın ləğv edilməsi və "Meydan TV" internet kanalının əməkdaşlarına qarşı cinayət işinə xitam verilməsi tələbi əks etdirən plakatlar qaldırıblar.
Polis aksiyanın gedişatına müdaxilə edib, onların plakatlarını, habelə prokurorluq binasının divarına yapışdırdıqları vərəqələri cırıb.
Aksiya iştirakçılarından ikisi Prokurorluq işçiləri tərəfindən qəbul edilib. Söhbət zamanı onlara deyilib ki, onların ölkədən çıxmasına qoyulmuş məhdudiyyətlərin ləğvi prosesi başlayıb və tezliklə bu məsələ bağlanacaq. Bu barədə jurnalist Natiq Cavadlı prokurorluq binasından çıxdıqdan sonra bildirib.
Qeyd edək ki, aksiyada "Meydan TV" ilə əməkdaşlıq edən bir neçə jurnalist, habelə bir sıra mətbuat fəalı iştirak edib.
Xatırladaq ki, 2015-ci ildə jurnalistlərdən ibarət böyük bir qrupun ölkədən çıxışına qadağa qoyulub. Eyni zamanda hakimiyyət bu internet-resursun qanunsuz maliyyələşdirilməsi haqqında cinayət işi qaldırıb və onun Azərbaycan ərazisində yayımlanmasını bloklayıb. Bundan sonra "Meydan TV" əməkdaşlarının qohumlarının təqibi başlayıb, onlar açıq şəkildə bir-birlərindən imtina etməyə məcbur ediliblər. -16D-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz