Yanvarın 25-də bəzi şimal rayonlarında, yanvarın 26-da isə əksər rayonlarda hava arabir yağıntılı olacaq, dağlıq və dağətəyi rayonlarda qar yağacaq, temperatur ötən günlərlə müqayisədə 4-6 dərəcə aşağı enəcək. Yanvarın 25-də şimal küləyinin arabir güclənəcəyi, qeyri-sabit hava şəraitinin yanvarın 27-si səhərədək davam edəcəyi gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, yanvarın 25-də Bakıda və Abşeron yarımadasında şimal küləyi güclənəcək. Gecəyə doğru yağıntılı olacaq. Gecə 2-4, günün birinci yarısında 5-7, axşam 0-2 dərəcə isti olacaq.
Azərbaycanın rayonlarında yanvarın 25-də bəzi şimal və şərq rayonlarında yağıntılı olacaq, dağlıq və dağətəyi rayonlarda qar yağacaq. Bəzi yerlərdə duman olacaq. Qərb küləyi əsəcək, gündüz arabir güclənəcək. Gecə 1-6, gündüz 8-13 dərəcə isti, dağlarda gecə 2 dərəcə şaxtadan 3 dərəcəyədək isti, yüksək dağlıq ərazilərdə 10-15 dərəcə şaxta, gündüz 3-6 dərəcə isti olacaq. -03D-
Cəmiyyət
-
“Azercell Telekom” MMC və ADA Universiteti Fondunun əməkdaşlığı çərçivəsində həyata keçirilən “İdeya İnkubasiyası Proqramı”nın növbəti mərhələsi start götürüb. Ötən ildən etibarən uğurla davam edən bu proqram Azərbaycanın startap ekosisteminin gücləndirilməsinə, gənc mütəxəssislərin İT və İKT sahələrində inkişafına dəstək olmaq məqsədini daşıyır. Bu il “İdeya İnkubasiyası Proqramı”nda tələbələrdən ibarət 10 komanda birincilik uğrunda yarışacaq.
-
İmişli Rayon Məhkəməsi müəllimə Leyla Nəcəfquliyevanın Aranlı kənd orta məktəbinə və Mil-Muğan regional təhsil idarəsinə qarşı iddiasına baxıb və işdən çıxarılmış pedaqoqun tələbini təmin etməyib.
-
Vəkil Aqil Layıc Bakı Apellyasiya Məhkəməsinin sədri Mübariz Əkbərovu idarəçilikdə özbaşınalıqda ittiham edərək, Prezident İlham Əliyevdən müdaxilə etməyi xahiş edib. Layıc öz narahatlığını Facebook paylaşımında ifadə edərək bildirib ki, Əkbərovun rəhbərliyi altında hüquqi müdafiə “formal səviyyəyə” endirilib.
-
İnnovasiya və sürət lideri “Bakcell” inklüzivliyə dəstək strategiyası çərçivəsində "Birgə və Sağlam" İctimai Birliyi tərəfindən yaradılan “Kaşalata” kafedə “İnnovasiyalarla Müxtəlifliyə Doğru” adlı tədbir təşkil edib. Tədbirin məqsədi "Bakcell" ilə “Birgə və Sağlam” İctimai Birliyi arasındakı tərəfdaşlığın qeyd olunması və kafedə çalışan gənclərlə görüş olub.
Rəy yaz