• contact.az Contact
  • Bakı
  • Partly cloudy13.20 C
  • Şənbə, 23 Noyabr 2024
    • flag_EN
    • flag_RU

Son yenilənmə

(3 saat əvvəl)
Vaşinqton Bakı və Yerevanı gərginlikdən uzaq olmağa çağırır
A- A A+
EN RU
Turan İnformasiya Agentliyi
Turan İnformasiya Agentliyi

Vaşinqton Bakı və Yerevanı gərginlikdən uzaq olmağa çağırır

ABŞ təmas xəttində bir həftədir davam edən gərginlik haqqında məlumatlar fonunda Azərbaycanı və Ermənistanı Dağlıq Qarabağda güc tətbiqindən və güc tətbiqi hədələrindən uzaq olmağa çağırıb. Bu barədə Turan-ın Vaşinqton müxbiri məlumat verib.

 
 “Biz hesabatları gördük və insanların həlak olmasına təəssüf edirik. ...Mövqeyimiz əvvəlki kimidir, güc tətbiqi münaqişənin həlli demək olmayacaq. Biz bütün tərəfləri güc tətbiqindən və ya güc tətbiqi təhlükəsindən uzaq olmağa çağırırıq”, deyə Dövlət Departamentinin mətbuat katibinin müavini Mari Harf brifinqdə bildirib.
 
 ABŞ ATƏT-in Minsk qrupunun həmsədri olaraq əvvəlki kimi “münaqişənin dinc yolla tənzimlənməsinə nail olmaq üçün tərəflərlə işə sadiqik”, deyə o qeyd edib.
 
 “Bu, şübhəsiz ki, bizim məqsədimizdir. Bilirik ki, bu, çətindir, amma biz bu istiqamətdə işləməyə davam edəcəyik”.
 
 Son günlər cəbhə xətti boyunca gərginliyin artması fonunda Vaşinqtonda çoxları zorakılığın NATO qüvvələrinin və vəsaitlərinin Əfqanıstana tranzit daşımaları variantlarından biri olan Qafqaz bölgəsində münaqişənin bərpası riskini gücləndirə biləcəyindən ehtiyatlanır.
 
 Vəziyyəti Turan-a şərh edən analitik Karl Rader bildirib ki, 2014-cü ildə mümkün münaqişə NATO texnikasının şimal marşrutu ilə daşınmasını çətinləşdirə bilər. Göründüyü kimi, Azərbaycan ordusu təmas xətti boyunca zəif yerləri öyrənməyə davam etdikcə gərginlik artacaq, Rader belə hesab edir.
 
 “İlham Əliyevin əlində kozırlar var: o, “seçkiləri” udub, qazla bağlı saziş imzalayıb, müxalifətin susdurulmasını tamamlayıb. Bir tərəfdən bu, o deməkdir ki, bir neçə il minimum sayda yayındırıcı problemlər olmaqla, prezidentin Qarabağda hücumlar üçün imkanı var”, deyə Rader bildirib. 
 
 “Demirəm ki, bu, yekun faktdır, amma biz qərbdə “Müharibə başlamayacaq, çünki status-kvo Sarkisyanı və Əliyevi qane edir” iddiasına çox inanırıq”, deyə o əlavə edib.
 
 Bu arada, Parisdə MQ həmsədrləri cümə günü regionda zorakılığın davam etməsi ilə bağlı “dərin narahatlığını” bildirərək, bu yaxınlarda baş verən insidentlərin danışıqları pozduğunu və sülh perspektivlərini azaltdığını vurğulayıblar. -25В-

Rəy yaz

Siyasət

Minimum əməkhaqqı, pensiya, ehtiyac meyarı. Rəqəmlər real bazar qiymətinə uyğundur? – Zöhrab İsmayıl Çətin sualda


Bizi sosial şəbəkələrdə izləyin

Xəbər lenti