Həbs edilmiş bloger Əbdül Əbilovun səhhəti kəskin şəkildə pisləşib, bu barədə Turan-a onun anası Nurcahan Əbilova bildirib.
Dünən o, 13 saylı cəzaçəkmə müəssisəsində öz oğlu ilə görüşüb. “Mən Əbdülü iki ay əvvəl görmüşdüm, onda o, tamamilə normal görünürdü. Amma bu dəfə o, çox arıqlayıb, üzünün rəngi ağarıb və güclü öskürəyi var idi”, deyə N.Əbilova bildirib.
Xalid Bağırovun vəkillik fəaliyyətindən uzaqlaşdırılmasından sonra (o, Əbilovu pulsuz müdafiə edirdi) Əbdül müdafiəsiz qalıb, ailəsinin isə yeni vəkil tutmaq üçün vəsaiti yoxdur.
Penitensiar Xidmətin ictimai əlaqələr şöbəsindən məhbusun səhhəti ilə bağlı şərh verə bilməyiblər, Ədliyyə Nazirliyinin Müalicə Müəssisəsinə müraciət etməyi məsləhət görüblər. Lakin bu idarədə Əbdül Əbilovun vəziyyəti haqqında heç nə bilmirlər.
Xatırladaq ki, Əbilov facebook-da “Yaltaqlığa stop!”, və “Seçki saxtakarlığına son!” səhifəsini yaradıb. Mayın 27-də o, qanunsuz narkotik ticarəti ittihamı ilə 5,5 il müddətinə həbs edilib. -06B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz