Zamin Salayev
Bakı/06.03.23/Turan: Azərbaycan Xalq Cəbhəsi Partiyasının fəalı, Bakı İstintaq Təcridxanasında saxlanılan Zamin Salayevin vəziyyəti pisləşməkdə davam edir, martın 6-da ona baş çəkən vəkil Nemət Kərimli bildirib.
28-ci gündür aclığa davam edən müxalifətçinin vəziyyəti pisləşib.
"Əlizamin Salayev ağır vəziyyətdədir. 20 kiloqram arıqlayb, hərəkət etməkdə çətinlik çəkir, şiddətli ürək ağrısı baş qaldırıb. Buna baxmayaraq, ona tibbi yardım göstərilmir, tibbi-sanitar hissəyə köçürmürlər və həkim çağırmaq xahişinə məhəl qoymurlar", - vəkil deyib.
Müdafiəçi həmçinin bildirib ki, Azərbaycan Xalq Cəbhəsi Partiyasının lideri Əli Kərimlinin aclığı dayandırmaq xahişini Salayevə çatdırıb.
"Ancaq Zamin dedi ki, onun ədalətli azadlıq tələbi yerinə yetirilənə qədər aclığı davam etdirəcək", - vəkil deyib.
O, Salayevin yaxınları ilə görüş hüququnun qanunsuz məhdudlaşdırıldığını qeyd edib.
"İstintaq təcridxanasının rəhbərliyi Salayevin yaxınları ilə görüşmək hüququnu qanunsuz olaraq məhdudlaşdırıb. Bununla əlaqədar prokurorluğa və ombudsmana müraciət edəcəyəm", - vəkil bildirib.
Penitensiar Xidmətdən şərh almaq mümkün olmayıb.
*Fevralın 8-də Bakının Qaradağ Rayon Məhkəməsi Zamin Salayevin barəsində üç ay müddətinə həbs-qətimkan tədbiri seçib. Ona qarşı Cinayət Məcəlləsinin 221.3-cü maddəsilə (xuliqanlıq - silahdan və ya silah qismində istifadə olunan əşyalardan istifadə edilməklə zərər çəkmiş şəxsə zor tətbiq olunması) cinayət işi açılıb. Onu 5 ilədək həbs təhlükəsi gözləyir.
Zamin Salayev məhkəmədə bildirib ki, heç kimə hücum etməyib, əksinə, özünü hücumdan müdafiə edib. "Lökbatanda taksi gözlədiyim zaman naməlum şəxs məni təhqir etdi və bıçaqla hücum etdi. Mən başa düşdüm ki, bu, təxribatdır və özümü müdafiə etməyə çalışdım, sonra hücum edəni itələdim və hadisə yerindən uzaqlaşdım. Bir neçə dəqiqədən sonra mülki geyimli polislər məni dayandırdılar və 4 polis maşınının müşayiətilə Qaradağ Rayon Polis İdarəsinə apardılar",- fevralın 20-də o, Bakı Apellyasiya Məhkəməsində hakimlərə bildirib. Lakin məhkəmə onun şikayətini təmin etməyib və onu həbsdə saxlayıb.-03B06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz