Aslan Qurbanov
Bakı/29.12.21/Turan: Mühakimə olunmuş bloger Aslan Qurbanov dekabrın 23-də 10 saylı cəzaçəkmə müəssisəsindən Qobustan qapalı həbsxanasına köçürülüb. Bu barədə Turan agentliyinə onun atası Azad Qurbanov məlumat verib.
Atanın sözlərinə görə, Nərimanov Rayon Məhkəməsinin qərarı ilə Aslan növbəti 2 ili həmin həbsxanada keçirməlidir.
Məhkəmənin bu qərarı hansı əsasla çıxardığı məlum deyil.
Aslan Qurbanov 2020-ci ildə Dövlət Təhlükəsizliyi Xidmətinin əməkdaşları tərəfindən həbs edilib, dövlət əleyhinə və millətlərarası ədavətə çağırışlarda (Cinayət Məcəlləsinin 281.2-ci və 283.1-ci maddələri) ittiham olunub. Məhkəmə onu 7 il müddətinə azadlıqdan məhrum edib.
Atanın sözlərinə görə, Aslan talışların müdafiəsilə bağlı çağırışlar dərc edib. "Sosial şəbəkələrdə onun bəzi statusları emosional görünə bilər, amma o, həmişə vətəninə sadiq olub”, - atası qeyd edib.
Penitensiar Xidmətdən şərh almaq mümkün olmayıb. -0-
Cəmiyyət
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
Rəy yaz