![Agil Humbatov](https://turan.az/resized/media/2023/main/091500066689-750-500-resize.webp)
Agil Humbatov
Həbsdə olan Hümbətovun ailəsi motosikletə görə dövlət yardımından məhrum edilib
Bakı/15.09.23/Turan: 2021-ci ildə həbs edilmiş AXCP fəalı Aqil Hümbətovun həyat yoldaşı hökumət binaları qarşısında etiraz aksiyaları keçirərək, himayəsindəki üç azyaşlı uşaq üçün ona yoxsulluq müavinəti verilməsini tələb edir. Uşaqlardan biri autizm xəstəsidir, Hümbətova onun üçün 272 manat müavinət alır. Bu məbləğ dörd ailə üzvünün yaşaması üçün yeganə vəsaitdir.
Hümbətova kömək üçün Turan-a müraciət edib və dörd aylıq ödənişdən sonra ünvanı sosial yardımdan niyə məhrum edildiyini aydınlaşdırmağı xahiş edib.
Turan-ın sorğusuna cavab olaraq Əmək və Əhalinin Sosial Müdafiəsi Nazirliyinin mətbuat xidməti yoxlama aparıldığını, nəticədə Hümbətovlar ailəsinin motosikleti olduğunun (həbsdə olan Aqil Hümbətova məxsusdur) müəyyən edildiyini bildirib.
Ünvanlı dövlət sosial yardımı haqqında qanuna əsasən, nəqliyyat vasitəsinə malik olan ailə ünvanlı sosial yardım ala bilməz. "Bu hal ünvanlı dövlət sosial yardımının verilməsi və verilməsindən imtina Qaydalarının 3,7.4-cü bəndində də qeyd edilib.
Bu səbəbdən 4 may 2023-cü il tarixində Aygün Hümbətova imtina cavabı verilib", deyə Əmək və Əhalinin Sosial Müdafiəsi Nazirliyindən bildiriblər.
Vəziyyəti şərh edən hüquq müdafiəçisi Təzəxan Mirələmli Nazirliyin iddiasının yanlış olduğunu bildirib, çünki Aqil Hümbətov həbsdə olduğu üçün motosikletdən istifadə edə bilmir, həyat yoldaşı isə birinin əqli cəhətdən geriliyi olan üç uşağa baxmaq məcburiyyətindədir.
"Ünvanlı dövlət sosial yardımı haqqında" qanuna əsasən, bir ailə üzvünə 300 manatdan az vəsait düşürsə, dövlət həmin ailəyə yardım ödəməlidir.
Hazırda ailə 272 manat vəsait alır və bu məbləğ dörd nəfərlik ailənin hər ay almalı olduğu minimum məbləğdən (1200 manat) dörd dəfə azdır. Lakin heç bir işə yaramayan motosikletə görə ailə dövlət dəstəyindən məhrum olub", deyə Mirələmli bildirib. 0
-
- Cəmiyyət
- 15 Sentyabr 2023 17:31
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz