«Rüfət Səfərovun məhkəmə hökmündən ilkin şikayəti sentyabrın 14-də Şirvan Apellyasiya Məhkəməsinə təqdim edəcəyəm. Çünki, ola bilər ki, hakim qərarı gec versin, bizim sərəncamımızda isə cəmi 20 günlük müddət var».
Bunu Turana bu yaxınlarda 9 il müddətinə azadlıqdan məhrum edilən keçmiş müstəntiq Rüfət Səfərovun vəkili Bəhruz Bayramlı bildirib.
Vəkil məhkəmə qərarını qanunsuz sayır: «Tam qanunsuz, əsassız hökmdür. Bəlkə də, hələ, məhkəmə tarixində belə hal olmayıb ki, müttəhim son sözünü demədən ona hökm oxuyalar. Bunu da gördük».
R.Səfərovun özü də sentyabrın 13-də evləri ilə danışıb. Səhhətində hər hansı bir problemin olmadığını söyləyib.
Onun vəkili B.Bayramlı bu günlər bəzi saytlarda yayılan bir məlumatı da təsdiq edib. Bəzi yerli saytların xəbərinə görə, Qubadlı rayon prokurorunun köməkçisi Adil Məmmədov bir müddət öncə məhz R.Səfərova yaxın olduğuna görə işdən azad edilib. Vəkil bildirib ki, A.Məmmədov R.Səfərovla davamlı əlaqə saxlayıb və bir neçə dəfə də görüşüblər.
A.Məmmədovun «15 dəqiqə işə gecikməsi» səbəbi ilə prokurorluq orqanlarından xaric edildiyi deyilir.
«Bu məsələnin indiyə qədər ictimailəşdirilməsini A.Məmmədov özü istəməyib. Odur ki, bu haqda danışılmayıb»,- deyə B.Bayramlı bildirib. Ancaq bu deyilənlərə, hələlik, Baş Prokurorluqdan münasibət öyrənmək mümkün olmayıb.
Rüfət Səfərov sentyabrın 8-də Lənkəran Ağır Cinayətlər Məhkəməsinin hökmü ilə 9 il həbs cəzasına layiq görülüb.
Ötən il dekabrın 20-də o, ölkədəki qanunsuzluqlara, insan haqlarının pozulmasına etiraz olaraq, Zərdab rayon Prokurorluğunun müstəntiqi vəzifəsindən istefa verdiyini açıqlamışdı. Bundan dərhal sonra Zərdab rayon Prokurorluğunda yoxlama, onun yaşadığı kirayə mənzildə isə axtarış aparılıb.
Yanvarın 15-də isə R.Səfərova qarşı Cinayət Məcəlləsinin 311.3.2-ci (təkrar rüşvət alma) maddəsi ilə ittiham irəli sürülmüş və o, həbs olunmuşdu. Bir həftə sonra - yanvarın 22-də isə Binəqədi rayon Məhkəməsi keçmiş müstəntiq barədə həbs-qətimkan tədbirinin ev dustaqlığı ilə əvəz olunması barədə vəsatəti təmin etmişdi.
Keçmiş müstəntiq ona qarşı ittihamların uydurma olduğunu, siyasi baxışlarına, hökumətin ünvanına tənqidi fikirlərinə görə cəzalandırıldığını bildirir.
R.Səfərov hakim YAP-dan keçmiş deputat, eləcə də Müdafiə Nazirliyi mətbuat xidmətinin sabiq rəhbəri Eldar Sabiroğlunun oğludur.-0-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz