Həbsdə olan nazirə atasının hüzründə iştirak etməyə razılıq verilməyib
Həbsdə olan keçmiş nazir Nicat Quliyevin atası Əmir Quliyev fevralın 12-si axşam saatlarında vəfat edib. Bunu Turan-a N.Quliyevin yaxınları bildirib və qeyd ediblər ki, N.Quliyevə hələ ki, atasının hüzründə iştirak etmək üçün icazə verilməyib.
Yaxınlarının verdikləri məlumata görə, hələ Ə.Quliyev ağır xəstə olduğu son həftədə Penitensiar Xidmət rəhbərliyinə N.Quliyevin atası ilə vida görüşünə buraxılması ilə bağlı müraciət edilib. Amma qarşı tərəf müraciətə cavab verməyib.
Son olaraq N.Quliyevin yaxınları fevralın 12-də Ə.Quliyevin vəfatından sonra keçmiş nazirin atasının hüzr məclisində iştirak etməsinə razılıq vermək haqda Penitensiar Xidmətə və xidmətin rəhbəri Mədət Quliyevə müraciət ediblər. Amma hələ ki, N.Quliyev atasını hüzr məclisində iştirak etmək üçün buraxılmayıb.
N.Quliyev 2013-cü ilin avqustunda MTN tərəfindən həbs edilib, ona qarşı qanunsuz silah saxlamaq ittihamı irəli sürülüb və 3 il müddətinə azadlıqdan məhrum edilib. -05B-
* * *
Həbsdə olan keçmiş xarici iqtisadi əlaqələr naziri Nicat Quliyevin atası 84 yaşlı Əmir Quliyev vəfat edib. Ə.Quliyev ağır xəstə idi və həyatının son günlərini stasionar müalicədə keçirib.
Lakin N.Quliyevin vəkilinin müraciətinə baxmayaraq, Penitensiar Xidmətin rəhbərliyi məhkumun ölüm ayağında olan atası ilə vidalaşmasına imkan verməyib, qanunda nəzərdə tutulsa da buna icazə verilməyib. Müdafiə tərəfi ümud edir ki, heç olmasa N.Quliyevin atasının dəfn mərasimində iştirakına icazə veriləcək.
N.Quliyev 2013-cü ilin avqustunda üç il müddətinə həbs olunub. O, qanunsuz odlu silah gəzdirməkdə ittiham olunur. N.Quliyev ona qarşı irəli sürülən ittihamları rədd edir. Müşahidəçilərin fikrincə, onun həbsinin əsl səbəbi 2013-cü il prezident seçkiləri ərəfəsində müxalifətin namizədi Rüstəm İbrahimbəyovun məsləhətçisi olmasıdır-05B04-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz