NİDA Vətəndaş Hərəkatının həbsdə olan üzvü Şahin Novruzlunun atası İbrahim Novruzlu bu gün vəfat edib.
Ailəsindən Turan-a bildiriblər ki, o, qəflətən ürək tutmasından dünyasını dəyişib. “İbrahim Novruzlu ürəyindən əməliyyat olunmalı idi. Lakin istintaq orqanı evimizdə olan bütün pulu götürüb. O, müalicə və əməliyyat üçün vəsaiti olmadığından vəfat etdi”, deyə ailə üzvlərindən biri Turan-a bildirib.
Şahin Novruzlunu hələ atasının dəfnində iştirak etmək üçün həbsdən buraxmayıblar. Penitensiar Xidmət hələ ki, Şahin Novruzlunun atasının yas mərasimində iştirakı ilə bağlı müraciəti daxil olmadığını bildirib.
Ailə üzvü isə Penitensiar Xidmətə müraciət etmək üçün vəkillərlə danışıldığını deyib.
Şahin Novruzlu 2013-cü ilin martında saxlanılıb və 6 il həbsə məhkum edilib. Novruzlunun da üzv olduğu 8 NİDA fəalı hazırda həbsdədir.
Şahin Novruzlu həbs edilən zaman ailələrinə məxsus 94 min manat vəsait də istintaq tərəfindən götürülüb və ailəyə qaytarılmayıb.
2014-cü il iyulun 8-də Şahin Novruzlu prezident İlham Əliyevə müraciət edərək əfv olunmalarını istəyib. -03B-
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz