Həftə ortası Azərbaycanda havanın kəskin soyuyacağı gözlənilir
Bakı/08.01.24/Turan: Yanvarın 10-12-də Azərbaycanda hava şəraitinin kəskin dəyişəcəyi gözlənilir. Milli Hidrometeorologiya Xidmətinin məlumatına görə, yanvarın 10-da Bakıda və Abşeronda güclü şimal-qərb küləyi əsəcək, arabir saniyədə 25-28 metrə çatacaq. Gecə Abşeron yarımadasının ayrı-ayrı yerlərində küləyin sürəti saniyədə 30-33 metrə çatacaq.
Yanvarın 10-da axşam yağış gözlənilir, şəhərətrafı ərazilərdə sulu qar yağacaq. Havanın temperaturu əvvəlki günlərlə müqayisədə 5-8 dərəcə enəcək.
Yanvarın 10-12-də ölkə üzrə dağlıq rayonlardan başlayaraq yağış, sulu qar, dağlarda və dağətəyi ərazilərdə qar yağacağı gözlənilir. Naxçıvan, Qarabağ, Şərqi Zəngəzur, Qazax-Gəncə, Balakən-Şəki, Quba-Qusar zonalarında yağıntı intensiv olacaq.
Qərb küləyinin sürəti saniyədə 15-20 metrə, bəzən isə 25-30 metrə çatacaq. Havanın temperaturu 5-10 dərəcə enəcək.
Havanın temperaturu aran rayonlarında gecə 0 +5, gündüz müsbət 6 +11, dağlarda gecə mənfi 6-11, gündüz 0-5 dərəcə şaxta olacaq.
Yanvarın 11-nə keçən gecə dağ və dağətəyi yollar buz bağlaya bilər.- 06B-
Cəmiyyət
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
Rəy yaz