Saleh Rüstəmli
Bakı/12.12.21/Turan: Azərbaycan Xalq Cəbhəsi Partiyasının həbsdə olan fəalı Saleh Rüstəmlinin aclıq aksiyasının 36-cı günündə həkim Adil Qeybulla şəbəkədə bəyanat yayıb. O, bu yaxınlarda məhbusa venadaxili infuziya şəklində parenteral, yəni həzm sisteminin iştirakını istisna edən qida verməyə başlayıblar.
Bu müalicə haqqında qərarı A.Qeybulla və Rüstəmlinin vəziyyətini izləyən digər həkimlər qəbul ediblər. “Amma unutmamalıyıq ki, alimentar (normal) qidanı heç nə əvəz edə bilməz... Yaddan çıxarmamalıyıq ki, yaş, əlavə xəstəliklər, stres fonunda həyata keçirilən parenteral dəstək müvəqqəti xarakter daşıyır. İstənilən an ölümcül ağırlaşmalar yarana bilər”.
Adil Qeybulla izah edir ki, su qəbulu ilə müşaiyət olunan uzunmüddətli aclıq zamanı qidalandırıcı maddələrin çatışmazlığı ilk növbədə orqanizmdə yığılmış piy resurslarının sərfiyyatı ilə kompensasiya edilir. Piy toxuması zülalların və enerji materiallarının sintezinə səfərbər olunur, orqanizm arıqlayır. Bu proses ardıcıl olaraq getdikdə həyati əhəmiyyətə malik orqanlarda, o cümlədən baş beyində, ürəkdə, qara ciyərdə, böyrəklərdə distrofiya prosesləri, bərpaolunmaz proseslər baş verir.
Aclıq təkcə somatik (bədən) dəyişikliklərə səbəb olmur, həm də insanın psixikasına və davranışına da ciddi təsir göstərir. Yaddaş və koqnitiv (psixi) funksiyalar zəifləyir, hallüsinasiya və apatiya baş verə bilər. Ölüm orqanizmin həyati əhəmiyyətə malik funksiyaları təmin edə bilmədikdə baş verir.
Saleh Rüstəmli COVİD-19 keçirib. Onun immun sistemi həddindən artıq ciddi ağırlaşmalarla qarşılaşır, postkovid sindromu isə davam edən aclıq fonunda əlavə təhlükə təşkil edir. İstənilən an proses ölümlə nəticələnə bilər.
“Gəlin bunu unutmayaq. Dövlətin mərhəməti ümidilə”, həkim Adil Qeybulla şəbəkədəki yazısını bu sözlərlə tamamlayır.
Əlavə edək ki, ABŞ Dövlət Departamentinin rəsmi nümayəndəsi Ned Prays Rüstəmlinin aclıq aksiyasına münasibət bildirib. “Biz Saleh Rüstəmlinin vəziyyətinin pisləşməsi haqqında məlumatlardan dərin narahatlıq hissi keçiririk. Azərbaycan humanitar əsaslarla onu təcili azad etməlidir ki, o, adekvat tibbi yardım ala bilsin. O, artıq 35 gündür aclıq edir və ölmək üzrədir”. Bu barədə N.Prays dekabrın 11-də öz Tvitter səhifəsində yazıb.
Siyasi məhbus Saleh Rüstəmli saxta ittihamla qanunsuz olaraq 7 il müddətinə azadlıqdan məhrum edilməsinə etiraz əlaməti olaraq aclıq edir. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz