Hərbi hissədə ölən əsgərin yaxınları günahkarların cəzalandırılmasını tələb edir
MN-in Daşkəsən rayonunda yerləşən “N” saylı hərbi hissədə həqiqi hərbi xidmətə çağırılmış Ceyhun Qubadovun ölümü ilə əlaqədar Hərbi Prokurorluqda Cinayət Məcəlləsinin 342.2-ci (Qulluğa səhlənkar yanaşma ağır nəticələrə səbəb olduqda) maddəsi ilə cinayət işi başlanıb.
Respublika Hərbi Prokurorluğun mətbuat xidmətindən Turan-a bildiriblər.
Məlumata görə, bununla əlaqədar Müdafiə Nazirliyi və Hərbi Prokurorluğun rəhbər əməkdaşları müvafiq araşdırmaların aparılması məqsədi ilə bölgəyə ezam olunub.
Bundan əlavə, bir qrup jurnalist və millət vəkili vəfat edən əsgərin ailəsinə baş çəkib.
Əsgərin yaxınları hadisənin yanvarın 6-da baş verdiyini bildiriblər, baxmayaraq ki, rəsmi olaraq əsgərin ölüm tarixi 7 yanvar göstərilib.
Əsgərin yaxınları onun ürək çatışmazlığından ölmədiyini, döyülərək öldürdüyünü iddia edirlər. Onlar həqiqi cinayətkarın tapılmasını tələb edirlər.
“Biz cavabı əsgərin hərbi xidmət keçdiyi hərbi hissədən tələb edirik”, deyə əsgərin yaxınları bildirib.
Onlar Respublika Prokurorluğuna, Müdafiə Nazirliyinə, Prezident Administrasiyasına müraciət edəcəklərini də bildiriblər.
Ailənin tək övladı olan 1994-cü il təvəllüdlü Qubadov ötən ilin oktyabr ayında həqiqi hərbi xidmətə çağırılıb. Müdafiə Nazirliyinin mətbaut xidməti əsgərin ürək çatışmazlığından vəfat etdiyini bildirir. -0-
-
- Foto sessiyalar
- 10 Yanvar 2013 18:48
-
- Analitika
- 10 Yanvar 2013 22:41
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz