Regionlardakı bütün hərbi hissələrdə şəhərlərarası taksofonlar quraşdırılması gözlənilir. Bu xəbər Turan-a məlumatlı mənbələrdən daxil olub.
Bu məqsədlə Rabitə və İnformasiya Texnologiyaları Nazirliyi “Aztelekom” İstehsalat Birliyinə tapşırıq verib və 10 gün ərzində Müdafiə Nazirliyinin bütün hərbi hissələrində şəhərlərarası taksofonlar quraşdırılması müddəti qoyulub.
Bununla bağlı tələbata uyğun telefon nömrələri ayrılaraq yalnız 123-124 (Tac kart) prefiksinə çıxışı təmin olunacaq.
Hərbi hissələrdə mobil telefonlardan istifadə qadağan olunduğu üçün əsgərlərin taksofon xidmətindən kütləvi istifadəsi nəzərə alınaraq, yerlərdə əvvəlcədən ödəniş “tac kart”larının satışı təmin olunacaq. Debitor sistemdə şəxs apardığı beynəlxalq və şəhərlərarası danışıqların haqqını ona göstərilən xidmətdən sonra, “Tac kart” sistemində isə telefonun balansına öncədən pul vəsaiti qoymaqla həyata keçirir. Abunəçilər “tac kart” sisteminə qoşulmaq “sim-sim kart”a bənzər 2, 4 və 10 manatlıq “tac kart” əldə etməlidir. Şəxs danışacağı tərəfin telefon nömrəsini yığmazdan öncə 124 nömrəsini yığaraq balansını öyrənir. Sonra “tac kart”ın üzərindəki pin kodu daxil etməklə balansına pul vəsaiti (kontur) yükləyir.
Abunəçi beynəlxalq və şəhərlərarası danışıq üçün 123 kodunu yığaraq stansiyanın hazırlıq siqnalını alır, sonra danışacağı nömrəni yığır.
Bundan əvvəl bu xidmət hərbi hissələrin yaxınlığındakı poçt şöbələri və ayrıca danışıq məntəqələri hesabına həyata keçirilirdi. Taksofonların tətbiqindən sonra isə bu işlər daha modern şəkildə qurulacaq. -05B-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz