Həsən Hüseynlinin işi üzrə prosesdə
Bazar ertəsi Gəncənin Nizami rayon məhkəməsində Ayaz Mahmudovun sədrliyi ilə “İntellektual vətəndaş” Maarifləndirmə Mərkəzi QHT-nin rəhbəri Həsən Hüseynlinin işi üzrə proses başlayıb.
O, CM-in 221.3-cü (xuliqanlıq, silahdan və ya silah qismində istifadə edilən əşyadan istifadə ilə törədildikdə) maddəsi ilə ittiham olunur.
İstintaqın məlumatına görə, Hüseynli guya Gəncə sakini Arzu Qəhrəmanova bıçaq yarası vurub.
Vəkil Əlaif Həsənovun Turan-a verdiyi məlumata görə, icasda ittiham tərəfin iki şahidi ifadə verərək, Hüseynlinin zərərçəkmişə bıçaq zərbəsi endirdiyini iddia edib.
“Amma şahidlərdən biri ibtidai istintaqda dediklərinə zidd ifadə verib”, deyə vəkil bildirib. Müdafiə tərəfin hadisənin baş verdiyi yerdən videomüşahidə kameralarının görüntülərinin istənilməsi haqqında vəsatət qaldırıb. Hakim bildirib ki, vəsatətə iyunun 24-də keçiriləcək iclasda baxılacaq.
Müdafiə tərəfi həmçinin Gəncənin Nizami və Kəpəz rayon məhkəmələrində baxılmış bir sıra başqa işlər üzrə hökmlərin istənilməsi barədə vəsatət verib. Vəkilin sözlərinə görə, bu işlərdə hər iki şahid və zərərçəkmiş özü hal şahidi kimi keçir. Bu o deməkdir ki, sözügedən şəxsər faktiki olaraq polisin “ştatlı” şahidləridir və buna görə onların bəyanatlarının və ifadələrinin etibarlılığı şübhə altındadır. Lakin hakim bu vəsatəti təmin etməyib.
Proses iyunun 24-də davam etdiriləcək.
“İntellektual vətəndaş” QHT (İCEC) 2004-cü ildə təsis edilib. Təşkilat 2009-cu ilin fevral ayında dövlət qeydiyyatından keçib.
Bu QHT-nin əsas missiyası Azərbaycanın Qərb regionunda açıq cəmiyyət ideyalarının yayılmasıdır. Bu məqsədlə vətəndaş cəmiyyəti haqqında maarifləndirici tədbirlər keçirilib, layihələrin əsas hədəf qrupu gənclərdir. -06B-
-
- Siyasət
- 23 İyun 2014 18:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz