Heydər Əliyevin doğum günündə xoşagəlməz hadisə

Ötən gecə hakimiyyət və paytaxt polisi xoşagəlməz hadisə ilə üzləşib. Belə ki, şəhərin mərkəzində Heydər Əliyevin abidəsinin üzərində təhqiramiz sözlər yazılıb. Ötən gecə Facebook-da Səbayel rayonunda Mərkəzi Bank ilə üzbəzüz bağdakı abidənin  fotosu yayılın. Abidənin üzərində iki tərəfdən ağ boya ilə Azərbaycan və ingilis dillərində “Qul Bayramınız Mübarək!” , ön tərəfdə isə  “Fuck the system!” sözləri yazılıb.

Hələlik DİN baş verənlərlə bağlı şərh vermir.

Qeyd edək ki, səhər tezdən abidənin üzərindəki yazı silinmişdi, bağda isə polislər dolaşırdı.

Sözügedən yer mühüm dövlət obyektləri ilə əhatə edilib və mühafizə olunur. Çox güman ki, abidəyə yazı yazanlar izləmə kamerasına düşüblər. Bu cür çirkin hərəkət ola bilsin ki, gecəyarısı, bağda elektrik enerjisi kəsildikdən sonra baş verib.

İstənilən halda bu, Heydər Əliyenin doğum günü münasibətilə hər il gül bayramının keçirildiyi yerdə törədilən görünməmiş hadisədir. -02D-