![�Heykəl məhbusu�nun şikayəti təmin edilməyib](https://turan.az/resized/./turan-750-500-resize.webp)
�Heykəl məhbusu�nun şikayəti təmin edilməyib
Bakı/17.07.17/Turan: İyulun 17-də Bakı Apellyasiya Məhkəməsi həbsdəki gənc fəal Qiyas İbrahimovun şikayətini təmin etməyib.
Q.İbrahimovun vəkilləri onun şəxsi yazışma sirrinin, konfidensial ünsiyyət qurmaq hüquqlarının pozulması ilə bağlı məhkəməyə müraciət ediblər. İyulun 10-da Sabunçu Rayon Məhkəməsi onların şikayətini təmin etməmişdi.
Vəkil Zibeydə Sadıqova Q.İbrahimovun şikayətini müdafiə edib və bildirib ki, Bakı İstintaq Təcridxanasında saxlanılarkən vəkili ilə konfidensial ünsiyyət qurmaq hüququna müdaxilə olunub, vəkillərə göndərdiyi məktub təcridxana rəhbərliyi tərəfindən oxunub.
Təcridxana nümayəndəsi məhkəmədə məktubun oxunmasını təkzib etməyib, deyib ki, Q.İbrahimov məktubu onlara açıq təqdim etdiyi üçün oxunub, sonra rəisin adı qeyd edilib və vəkilə göndərilib.
Q.İbrahimov isə təcridxana təmsilçisinin arqumentini təkzib edib, məktubun təcridxana katibliyinə açıq təqdim edilmədiyini bildirib, saxlanılan şəxslərə məktub göndərmək üçün normal zərfin verilmədiyini də qeyd edib.
Məhkəmə heyəti gənc fəalın arqumentlərini nəzərə almayıb, şikayət rədd olunub.
Məhkəmədən sonra vəkil Z. Sadıqova bildirib ki, sözügedən iş üzrə artıq Avropa Məhkəməsinə şikayət hazırlanıb.
Xatırladaq ki, "heykəl məhbusu" kimi tanınan gənc fəallar Q.İbrahimovla Bayram Məmmədov 2016-cı il mayın 10-da saxlanılıblar. Daxili İşlər Nazirliyi onların yaşadıqları evdən 1 kiloqramdan çox heroin tapılması barədə məlumat yayıb. Hər iki şəxs məhkəmədə işgəncələrə məruz qaldıqlarını desələr də Ombudsman Aparatı gənc fəalların üzərində hər hansı xəsarət izinin olmadığını bəyan edib.
10 il azadlıqdan məhrum edilən gənclər ittihamı rədd edir, keçmiş prezident Heydər Əliyevin abidəsi üzərinə "Qul bayramınız mübarək!" şüarını yazdıqlarına görə həbs olunduqlarını bildirirlər. "Amnesty İnternational" onları "vicdan məhbusu" elan edib.-05B-
-
- Cəmiyyət
- 17 İyul 2017 15:32
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz