“Human Rights Watch” (HRW) beynəlxalq hüquq-müdafiə təşkilatı qanunsuz narkotik maddə saxlamaq ittihamı ilə tutulan gənc fəallar Bayram Məmmədovun və Qiyas İbrahimovun azadlığa buraxılmasına çağırıb.
“Azərbaycan gəncləri qorxutmaq və digərlərinin onlardan nümunə götürməsinin qarşısını almaq üçün narkotik maddə ilə bağlı uydurma ittihamlar irəli sürür”, - HRW-nin Cənubi Qafqaz üzrə direktoru Georgi Qoqiya bildirib.
B.Məmmədov müxalifətdə olan NİDA Gənclər Hərəkatının üzvü, Q.İbrahimov isə “Sol cəbhə” gənclər qrupunun fəalıdır. Gənclərin hər ikisi Bakı Slavyan Universitetinin tələbəsidir.
HRW xatırladır ki, mayın 10-na keçən gecə onlar Azərbaycanın mərhum prezidenti Heydər Əliyevin abidəsinin üzərinə “Qul bayramınız mübarək!” sözlərini yazıblar.
Q.İbrahimov bu sözləri yazarkən B.Məmmədov fotosunu çəkib anonim olaraq sosial mediada yayımlayıb. Polis müşahidə kamerasının köməyilə fəalları müəyyən edib.
Vəkil Elçin Sadıqov məhkəmə iclası başlamazdan öncə onlarla görüşə bilib.
“İbrahimov və Məmmədov vəkilə deyiblər ki, polis onlardan tələb edib ki, əgər azadlığa buraxılmaq istəyirlərsə abidənin qarşısında kamera önündə üzr istəsinlər”, - bəyanatda deyilir.
Gənclər imtina ediblər. Bundan sonra onları hədələyiblər ki, əgər onların üzərindən narkotik maddə götürüldüyünü etiraf etməsələr işgəncə veriləcək. Gənclər məcbur olub etirafedici ifadələr verublər.
Polis bölməsində gəncləri həyəti süpürməyə məcbur ediblər. Məmmədov və İbrahimov vəkilə bildiriblər ki, onlara işgəncə verilib.
HRW Azərbaycan hakimiyyətini gənclərin üzərindən narkotik maddə ittihamını götürməyə çağırıb.
Əgər onları abidənin üzərinə yazı yazdıqlarına görə cəzalandırmaq istəyirlərsə İnzibati Məcəlləyə görə, bundan ötrü cərimə nəzərdə tutulur”, - sənəddə deyilir.
“Bu, narkotik maddə ilə əlaqədar cinayət ittihamının siyasi səbəblərdən saxtalaşdırılması ilə bağlı görünməmiş hadisədir. Hakimiyyət mesaj göndərməyə çalışır ki, əgər razılaşdırılmamış siyasi fəaliyyətdə iştirak edərsəniz ən ciddi nəticələrlə üzləşəcəksiniz”, - HRW-nin bəyanatında deyilir.
Bundan öncə Azərbaycan DİN mətbuat xidməti Məmmədov və İbrahimovun işində siyasi çaların olmasını, həmçinin onlara işgəncə verilməsini təkzib edib.
Vəkil Elçin Sadıqov bildirib ki, təcridxanada da gənclərin hüquqları pozulur. Belə ki, qanunun tələblərinə zidd olaraq onların qohumlarına telefon etməsinə və bağlama qəbul etməsinə icazə verilməyib.—06D--
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz