Siyasi Məhbusların Monitorinqi Mərkəzi Penitensiar Xidmətə yeni rəisin təyin olunması ilə məhkəməyə qədərki saxlanma və cəzanın çəkilməsi sistemində islahatların həyata keçirilməsinə ümid edir.
Mərkəz istintaq təcridxanalarında və cəzaçəkmə müəssisələrində saxlanma şəraitinin yaxşılaşdırılması, məhbusların hüquqlarının müdafiəsi, korrupsiyaya qarşı mübarizə, penitensiar sistemdə qanunçuluğun möhkəmləndirilməsi üzrə təkliflərini dərc etməyə hazırlaşır.
“Bizim təkliflərin əsas bəndlərindən biri QHT və vətəndaş cəmiyyətinin digər institutlarının penitensiar müəssisələrdə qanunçuluğa əməl edilməsi üzrə monitorinqlərdə iştirakıdır”, - Mərkəzin rəhbəri Elşən Həsənov Turan-a buldirib.
Onun sözlərinə görə, öncə Mərkəz müzakirə üçün təklifləri Vətəndaş Cəmiyyətini Müdafiə Komitəsinə təqdim edəcək. Sonra təkliflər Penitensiar Xidmət rəhbərliyinə göndəriləcək və geniş ictimaiyyətə təqdim olunacaq.
“Ümid edirik ki, Penitensiar Xidmətin yeni rəhbərliyi bizim təkliflərə hörmətlə yanaşacaq və əməkdaşlıq müsbət nəticə verəcək”, - E.Həsənov vurğulayıb.
Qeyd edək ki, ötən həftə DİN Nəqliyyatda Baş Polis İdarəsinin keçmiş rəhbəri Ceyhun Həsənov Penitensiar Xidmətə rəis təyin edilib.
Siyasi Məhbusların Monitorinqi Mərkəzi 2014-cü ildə bir qrup keçmiş vicdan məhbusu tərəfindən yaradılıb.—06d--
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz