Siyasi Məhbusların Monitorinqi Mərkəzi yeni siyasi motivli həbslərlə bağlı narahatlığını bildirib.
Mərkəzin bəyanatında gənc fəallar Məmməd Bayramov və Qiyas İbrahimovun həbsi və onlara qarşı işgəncələr pislənilir.
Hüquq-müdafiə təşkilatı digər gənc fəallar Amid Süleymanov, Samir Həsənov, Elnur Muxtarın barəsində inzibati həbsləri pisləyib.
Mərkəz Rəşad Abbasovun Sumqayıt polisində döyülməsi və Zaur Soltanovun Şüvəlan polis bölməsində ölümü ilə bağlı narahatlğını bildirib.
Bəyanatda Nardaran məscidinin axundu Nuhbala Rəhimovun 1,5 il müddətinə azadlıqdan məhrum edilməsi, “Müsəlman Birliyi” Hərəkatının həbsdə olan lideri Taleh Bağırzadənin və digər dindarların hüquqlarının pozulması pislənir.
Mərkəz hakimiyyəti cəzaçəkmə yerlərində işgəncələrə son qoyulmasına, siyasi motivlərlə həbs olunan fəalların, jurnalistlərin və dindarların azadlığa buraxılmasına çağırıb.
* Siyasi Məhbusların Monitorinqi Mərkəzi 2014-cü ildə hüquq müdafiəçisi Elşən Həsənovun rəhbərliyi ilə bir qrup keçmiş vicdan məhbusu tərəfindən yaradılıb. —06D--
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz