AFR-in innovasiya texnologiyaları Azərbaycan sənayesini modernləşdirəcək

Bakıda Almaniya-Azərbaycan Ticarət Palatasının "Sənayenin təkmilləşdirilməsi üçün innovativ texnologiyalar" adlı texnologiya forumu keçirilib.

Azərbaycan İqtisadiyyat Nazirliyinin sənaye şöbəsinin müdiri Səməd Bəşirlinin sözlərinə görə, AFR yerli infrastruktur layihələrini aktiv maliyyələşdirir və onlara texniki yardım göstərir. «Hökumət qeyri-neft iqtisadiyyatının inkişafı üçün Almaniya ilə əməkdaşlıq etməyə qərar verib»,- deyə o qeyd edib və bildirib ki, Azərbaycanın Almaniyanın maşınqayırma, elektron avadanlıqları, o cümlədən əczaçılıq sahəsindəki təcrübəsini yüksək qiymətləndirib və Almaniyanın əczaçılıq sahəsində ixtisaslaşan şirkətlərini ölkəyə dəvət edib.

"Bu sahələri birləşdirən ümumi cəhət onların inkişafında innovasiyanın tələb olunmasıdır. Bu tədbirin Almaniya ilə Azərbaycanın sənaye sahəsində əməkdaşlığına və Azərbaycanda innovativ sənayenin güclənməsinə töhfə verəcəyinə ümid edirəm", - deyə S.Bəşirli qeyd edib.

Almaniya-Azərbaycan Ticarət Palatasının üzvü Mixail Hoffmanın sözlərinə görə, Azərbaycanın qeyri-neft məhsulları istehsal edən ölkəyə çevrilməsi iki ölkənin əməkdaşlığı üçün potensial və imkanların olmasından xəbər verir. --17D—