Hüquq müdafiəçiləri Əkrəm Əylisliyə qarşı əməli ağır cinayət saydılar

Müasir Müsavat Partiyasının yazıçı Əkrəm Əylisliyə qarşı cinayət əməli törədənə 10 min manat mükafat təyin etməsilə bağlı hüquq müdaifəçiləri Turan-a şərh veriblər.

Media Hüququ İnstitutunun rəhbəri Rəşid Hacılı bu addımın cinayət hüququ baxımından ağır cinayətə təşviq olduğunu deyib. Hüquq-mühafizə orqanlarının buna cavab kimi ciddi tədbir görməli olduqlarını vurğulayıb. Bu mükafat açıq-aşkar cinayətə təşviqdir və bu qəararı qəbul edənləri ağır cinayətə təşviq etməyə görə cinayət məsuliyyəti gözləyir. “Ümid edək ki, hüquq-mühafizə orqanları bu şəxslərə qarşı hansısa addımlar atıb, informasiya vermirlər”, - deyə R.Hacılı bildirib. 

R.Hacılı bu məsələnin Əylislinin “Daş yuxular” romanı ilə bağlı odluğunu deyib. “Bu məsələ insanın təhlükəsiz yaşamaq hüququ ilə birgə həm də ifadə azadlığına qarşıdır”, - deyə R.Hacılı partiyanın qərarına mövqe ifadə edib. Bu halda da belə hüquq-mühafizə orqanlarının bu məsələyə ciddi mövqe bildirməsinin vacibliyini söyləyib. Bu addımı atanların ədalət mühakiməsi önünə çıxarılmaları vacib sayılıb. Hüquq müdafiəçisi indiyə kimi bununla bağlı hər-hansı rəsmi açıqlama olmamasına diqqət çəkib. 

“Bu qərar ölümə çağırışdır və olduqca ciddi cinayət məsuliyyəti yaradır”, - deyə hüquq müdafiəçisi Arzu Abdullayeva Müasir Müsavat Partiyasının qərarını şərh edib. O, belə bir addım, bilərəkdən, qəsdən atıldığı üçün ömürlük həbslə tamamlanmalı olduğunu söyləyib. Hüquq müdafiəçisi mənəvi baxımdan bu addıma ad verməyin çətin olduğunu deyib. “Bu mədəniyyətsizlik, ölkəni orta əsrlərə çəkməkdir və təəssüf ki, ölkədə belə vətəndaşlar var”, - deyə  A.Abdullayeva mövqeyini şərh edib. Son vaxtlar Ə.Əylilsinin vətəndaşlıqdan məhrum olunması çağırışlarına gəlincə, A.Abdullayeva Əkrəm Əylilsi kimi vətəndaşlardansa, “balıq Hafiz” kimilərin vətndaşlıqdan məhrum olunmalı olduqlarını qeyd edib. -05B-