Açiq mənbələrdən foto.
Bakı/26.01.23/Turan: Azərbaycan Hüquq Müdafiə Təşkilatlarının Monitorinq Qrupu (AHMTMQ) 30-a yaxın siyasi məhbusun adı yer alan siyahını Əfv Komissiyasına təqdim edib. Bu barədə Turan-a AHMTMQ-nin üzvü, Dilarə Əliyeva adına Qadın Hüquqlarını Müdafiə Cəmiyyətinin sədri Novella Cəfəroğlu bildirib.
Fevralda komissiyaya yeni şəxslərin adlarının daxil edildiyi yenilənmiş siyahı təqdim ediləcək. Bundan başqa, hüquq müdafiəçiləri 20 ildən çoxdur həbsdə olan, "müəyyən hal və şərtlərlə" əlaqədar ağır cinayətlərə görə mühakimə edilmiş şəxsləri əfv etməyi xahiş edirlər.
Hüquq müdafiəçisi bu şəxslər arasında "1995-ci il XTPD qiyamı" haqqında işin fiqurantlarının adlarını çəkib.
Qeyd edək ki, bu şəxslər əvvəlcə güllələnməyə məhkum ediliblər, amma ölüm cəzası ləğv edildiyinə görə ən ağır cəza ömürlük həbslə əvəz olunub.
Hüquq müdafiəçilərinin fikrincə, bu işlər üzrə istintaq obyektiv aparılmayıb, ittihamlar əsassız olaraq ağırlaşdırılıb.
Dünən parlamentin insan hüquqları komitəsinin sədri Zahid Oruc bildirib ki, bu ilin mayında Heydər Əliyevin 100 illiyinə həsr olunmuş növbəti əvf fərmanı olacaq. 06В
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz