Bakı/23.10.19/Turan: Repressiyalar və İşgəncələr əleyhinə Komitə oktyabrın 19-da Bakıda Demokratik Qüvvələrin Milli Şurasının dinc etiraz aksiyasının dağıdılmasını pisləyən bəyanat yayıb.
Dinc nümayişlərin keçirilməsi hüququna Konstitusiya və "Sərbəst toplaşmaq azadlığı haqqında" qanunda zəmanət verilib, amma aksiya təhlükəsizlik qüvvələri tərəfindən amansızca dağıdılıb. 300-dən çox insan, o cümlədən jurnalistlər, qadınlar, yeniyetmələr və yaşlılar saxlanılıb.
Müxalifət liderləri Əli Kərimli, Tofiq Yaqublu və İbrahim İbrahimli amansız işgəncələrə məruz qoyulub.
"Hazırda 30 nəfərdən çox şəxs qanunsuz olaraq həbsdədir. Eləcə də AXCP fəalı Paşa Umudov haqqında cinayət işi açılıb və haqqında məhkəmə qərarı ilə 3 aylıq həbs qəti imkan tədbiri seçilib", deyə bəyanatda qeyd edilir.
Təəssüf ki, Baş Prokurorluq ciddi ölçü götürmək əvəzinə qeyri- ciddi, böhtan xarakterli açıqlamalar yayaraq çox saylı işgəncə hallarını, polis zorakalığını ört-basdır etməyə çalışır.
Oktyabrın 20-də də polis ailədə şiddətə etiraz edən qadınların aksiyasını amansızca dağıdıb. "Şiddətə son" tələbi irəli sürənlər özləri polis tərəfindən şiddətə məruz qalıblar.
Tərtərdə dövlətə xəyanət haqqında işlə bağlı həlak olan hərbiçilərin hüquqlarının pozulması davam edir. Belə ki, hakim Mirbahəddin Hüseynov hərbçilərin ölümündə iştirak edən Müdafiə nazirliyinin keçmiş vəzifəli şəxslərini müdafiə edərək zərərçəkən hərbçi ailələrini məhkəmə zalından qovub.
Həbsxanalarda "Gəncə işi" üzrə həbs edilənlərlə təmas quranlara təzyiq göstərilir. Belə ki, siyasi məhbus Əhsən Nuruzadə buna görə daha pis şəraiti olan başqa cəzaçəkmə müəssisəsinə köçürülüb.
Bir çox siyasi məhbusun: Ruhulla Axundzadənin, Fuad Əhmədlinin, Şamil Əbdüləliyevin, Cahid Balakişiyevin və digərlərinin səhhətində problemlər var.
Repressiya və İşgəncələr Əleyhinə Komitə hesab edir ki, insan hüquqlarını pozanlara, o cümlədən oktyabrın 19-da və 20-da etirazların amansızca dağıdılmasında əli olan şəxslərə qarşı ciddi tədbirlər görülməlidir. Bütün həbs edilənlər, o cümlədən siyasi məhbuslar qeyd-şərtsiz azad edilməlidir.
"Gəncə" və "Tərtər" işləri üzrə yalan və ədalətsiz hökmlər çıxaran hakimlər vəzifədən xaric edilərək məsuliyyətə cəlb olunmalıdırlar, deyə bəyanatda bildirilir. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz