![Tofiq Yaqublu işgəncələr haqqında danışıb](https://turan.az/resized/750/500/resize/media/2019/main/102300022591.jpg)
Tofiq Yaqublu işgəncələr haqqında danışıb
Bakı/23.10.19/Turan: Ombudsman Aparatı yanında İşgəncələrin qarşısının alınması üzrə Milli Preventiv Qrupun üzvləri Daxili İşlər Nazirliyinin İnzibati Həbs Olunanların Saxlanılması Mərkəzinə baş çəkiblər.
MPQ üzvləri bəzi saxlanılan şəxslərlə, o cümlədən Demokratik Qüvvələrin Milli Şurasının üzvü Tofiq Yaqublu ilə məxfi görüşlər keçiriblər və onların saxlanma və qohumları ilə görüşmə şəraiti ilə bağlı şikayətlərini sənədləşdiriblər.
Öz növbəsində, Yaqublunun qızı Nigar Həzi bildirib ki, bu gün ona atası ilə bir dəqiqəlik görüş veriblər. "Atamın bütün dostlarına salamı var və dəstəklərinə görə onlara minnətdarlığını bildirib. O, möhkəmdir, əzmlidir, "mübarizəyə davam" dedi".
Həzinin sözlərinə görə, görüş şüşə arxasından olub. "Üzündə işgəncənin əlamətləri qalırdı hələ də. Qabırğasının bərk ağrıdığını bildirdi. Sağ qolu da çox ağrıyır. Qolunu qaldıra bilmirdi", deyə Nigar bildirib.
Yaqublunun sözlərinə görə, onun qolumu arxadan rezin qandalla qandallayıb yuxarı dartaraq 1 saat təpik və yumruqla döyüblər. "Döyə-döyə məndən tələb edirdilər ki, "de ki, səhv etmişəm. İmtina edirəm mübarizədən. Mən onların istədiklərini demədikcə daha bərk döyürdülər", deyə o bildirib.
Nigarın eyni təcridxanada saxlanılan həyat yoldaşı Seymur Həzi ilə görüşünə icazə verməyiblər.
Tofiq Yaqublu oktyabrın 19-da müxalifətin mitinqində saxlanılıb və 30 günlük həbsə məhkum edilib. S.Həzi oktyabrın 17-də 15 gün müddətinə həbs edilib. -06D-
-
- Söz istəyirəm
- 23 Oktyabr 2019 16:26
-
- Cəmiyyət
- 23 Oktyabr 2019 17:07
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz