Açiq mənbələrdən foto.
Bakı/10.12.21/Turan: Azərbaycan Siyasi Məhbuslarına Azadlıq İttifaqı siyasi motivlərlə həbs edilmiş və ya mühakimə edilmiş şəxslərin siyahısını yeniləyib.
Siyahıya 122 nəfər daxil edilib, onlar altı qrupa bölünüb:
"Jurnalistlər və blogerlər" - 5 nəfər;
"Müxalif partiya və hərəkatların üzvləri" - 8 nəfər;
"Dindarlar" - 21 nəfər;
"Tərtər işi" üzrə mühakimə edilənlər - 27 nəfər
"Gəncə işi" üzrə mühakimə edilənlər - 47 nəfər
"Ömürlük məhbuslar" - 14 nəfər.
Qanunsuz narkotik dövriyyəsində ittiham edilərək həbs edilmiş, Almaniyadan readmissiya ilə deportasiya olunmuş AXCP üzvü Mütəllim Orucov və Malik Rzayev siyahıya yeni əlavə olunub.
Bundan başqa, siyahıya "Azərbaycan Din Xadimləri" Birliyinin üzvü Sərdar Babayevin adı əlavə olunub.
Sentyabrın 1-də açıqlanmış əvvəlki siyahıda da 122 nəfər var idi. Amma həmin vaxtdan etibarən blogerlər Elçin Həsənzadə və İbrahim Türksoy azadlığa çıxıb.
* Siyahı Sülh və Demokratiya İnstitutunun direktoru Leyla Yunus və Siyasi Məhbuslar Monitorinq Mərkəzinin rəhbəri Elşən Həsənov tərəfindən Avropa Şurası Parlament Assambleyasının (AŞPA) 2012-ci ilin oktyabrında keçirilən sessiyasında qəbul edilmiş 1900 saylı qətnamədə yer alan "siyasi məhbus" anlayışının müəyyən edilməsi meyarları əsasında tərtib edilib. -06В-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz