Oqtay Gülalıyev. Açiq mənbələrdən foto.
Bakı/09.11.20/Turan: Hüquq müdafiəçisi Oqtay Gülalıyev uzun müddət İstanbulda “Amerika hospitalı” klinikasında müalicə aldıqdan sonra Bakıya qaytarılıb. Onun müalicəsi ev şəraitində davam etdirilir. Bu barədə fəalın həyat yoldaşı Firuzə Gülalıyeva bildirib.
Uçuş hüquq müdafiəçisinin vəziyyətinə təsir etməyib, deyə o bildirib. Oqtay əllərini oynadır, gözlərini açır, amma hələ özünə gəlməyib, deyə həyat yoldaşı qeyd edib.
Gülalıyevə qulluq və onun müalicəsi üçün tibbi heyət ayrılıb. Ailə özü Gülalıyevin Bakıya qayıdıb evdə müalicə olunmasını istəyib.
Xatırladaq ki, 2019-cu il oktyabrın 29-da YNH nəticəsində Gülalıyev kəllə-beyin travması alıb və bir neçə saat sonra komaya düşüb. O, yalnız növbəti gün əməliyyat olunub və mütəxəssislərin qiymətləndirmələrinə görə, bu müddət ərzində beyinə qansızma çoxalıb.
Sonradan Heydər Əliyev Fondunun tapşırığı ilə Gülalıyev Türkiyəyə aparılıb, orada bir neçə əməliyyat keçirilib. Müsbət dinamikaya baxmayaraq, o, hələ özünə gəlməyib.
YNH haqqında iş üzrə təqsirləndirilən şəxs qismində taksi sürücüsü Kənan Abdullayev cəlb edilib. Əvvəlcə ona qarşı Azərbaycan CM-in 263.1-ci maddəsi (yol hərəkəti qaydalarını pozma, ehtiyatsızlıqdan zərərçəkmişin sağlamlığına orta ağır xəsarət yetirilməsinə gətirib çıxardıqda) ilə ittiham irəli sürülüb, amma indi o, CM-in 263.1-1-ci maddəsi ilə - zərərçəkmişin sağlamlığına ağr xəsarət yetirməkdə ittiham olunur. Onu gözləyən maksimum cəza 3 il azadlıqdan məhrumetmə cəzasıdır. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz