Hüquq müdafiəçisi Taleh Xasməmmədov karserə salınıb
17 saylı koloniyada cəza çəkən hüquq müdafiəçisi Taleh Xasməmmədov 15 sutkalığa karserə salınıb. Bu, onun həyat yoldaşı Fəxriyyə Xasməmmədova fevralın 11-də KİV-ə müraciət yayaraq həyat yoldaşının səhhətinin pisləşdiyini, ona təcili tibbi yardımın göstərilməsinin vacibliyini bildirdikdən sonra baş verib.
Hüquq müdafiəçisinin anası Turan-a bildirib ki, bu müraciət KİV-də yayıldıqdan sonra Taleh Xasməmmədov “kamera yoldaşı ilə dalaşmaq” bəhanəsilə 15 sutkalığa karserə salınıb.
“Bu, doğru deyil. Taleh xaraktercə sakit adamdır. Digər tərəfdən, o çox xəstədir və bir kimsə ilə dalaşmaq iqtidarında deyil. Xəstə adamı karserə salmaq olar? Onun həbsini kim sifariş edibsə o da həbsdə qalması üçün hər şeyi edir. Bir həftə öncə Taleh mənimlə telefon söhbətində bildirdi ki, koloniyada ona təzyiq göstərilir”, - Xasməmmədova bildirib.
O, oğlunun həyatı üçün narahat olduğunu bildirib.
Penitensiar Xidmətin mətbuat xidmətindən şərh almaq mümkün olmayıb.
Xatırladaq ki, Taleh Xasməmmədov Göyçay-Ucar regionu icra hakimiyyəti tərəfindən yol verilən hüquq pozuntuları və korrupsiya hallarını ifşa etməsi ilə tanınır. Bir neçə dəfə onu hədə-qorxu gələrək öz yazılarının dərcinə son qoymasını tələb ediblər. 2015-ci ildə o, xuliqanlıqda ittiham olunaraq 3 il müddətinə azadlıqdan məhrum edilib. -06B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz