Hazırda hərbi qulluqda olan çavuş Tahir Osmanlı Yevlax rayon Polis Şöbəsində işgəncələrə məruz qalıb. Bu barədə Turan-a “Sumqayıt Gənclərinin Hüquqi Maarifləndirilməsi” İctimai Birliyinin rəhbəri, hüquq müdafiəçisi Elçin Məmməd məlumat verib.
Onun sözlərinə görə, Osmanlı bu ilin avqust ayında kirayə yaşadığı mənzildə haqsız yerə şərə düşüb. Elçin Məmməd qeyd edib ki, hüquqlarını müdafiə etdiyi şəxs şikayət əsasında elə hərbi hissədən götürülərək Yevlax rayon Polis Şöbəsinə aparılıb və şöbədə amansız şəkildə döyülüb.
“Tahir Osmanlı ilə bir evdə kirayədə qalan hərbiçinin 1650 manat pulu itib. Pulu itən hərbiçi Yevlax rayon Polis Şöbəsinə şikayət edərək, Osmanlını oğurluqda ittiham edib. Polis əməkdaşları Tahiri hərbi hissədən götürüb şöbəyə aparıblar. Polis şöbəsində iki kapitan və bir mayor tərəfindən amansızcasına döyülüb. Nəticədə Tahir Osmanlı ağır bədən xəsarəti alıb və qabırğaları zədələnib”, deyə hüquq müdafiəçisi bildirib.
Çavuşun şikayətinə baxmayaraq, polislərə qarşı heç bir tədbir görülməyib, onun valideynləri Yevlax rayon Prokurorluğuna və DİN-ə şikayət ediblər, amma bu şikayətlər də nəticəsiz qalıb.
Polisin qanunsuz əməllərindən və Yevlax rayon Prokurorluğunun cinayət işi açmamaq qərarından məhkəməyə şikayət olunacaq, deyə Məmməd bildirib.
DİN-dən çavuşun atasına Daxili Araşdırmalar İdarəsinin rəisi Sahib Mirzəyevin imzası ilə məktub gəlib. Məktubda iddia olunur ki, araşdırma nəticəsində Yevlax rayon Polis Şöbəsinin əməkdaşları tərəfindən Tahir Osmanlıya qarşı qanunsuz əməllər törətməsi faktları müəyyən olunmayıb. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz