Hüquq müdafiəçisinin anası təqib olunur
Həbsdə olan hüquq müdafiəçisi Taleh Xasməmmədovun anası bildirib ki, Göyçay polis əməkdaşlarının özbaşınalığından şikayət etdiyinə görə ona qarşı cinayət işi açılıb.
Gülbuta Xasməmmədovanın Turan-a verdiyi məlumata görə, iyulun 22-də Göyçay məhkəməsində prokuror onun oğlunun 4 il müddətinə azadlıqdan məhrum edilməsini tələb edib. Öz növbəsində, ana bu iş üzrə zərərçəkmiş kimi keçən polisləri böhtanda ittiham edib.
O, polis rəisinin müavini Faiq İlyasovu oğlunun həbsinin təşəbbüskarı olmaqda ittiham edib. Bu zaman polis serjantı Vahid Həşimov qadına hücum edib və onu təhqir etməyə başlayıb.
Digər polis – İslam İslamov qadının əlindən tutub və kənara çəkib, bu zaman onun əlini yaralayıb və ona qarşı təhqiredici jestə yol verib.
Bunları müşahidə edən polis rəis müavini tabeliyindəki insanlara raport yazmağı və “bütün Xasməmmədovları həbs etməyi” əmr edib.
Bundan sonra qadın DİN-ə şikayət edib. İki gün əvvəl yerli polis bölməsinin müstəntiqi Xasməmmədovadan onun şikayəti ilə bağlı ifadə alıb və eyni zamanda bildirib ki, ona qarşı güc tətbiq etməklə polisə müqavimət göstərmək ittihamı ilə araşdırma başlayıb.
“Başa düşmürəm, niyə bizə qarşı belə qanunsuzluq və ədalətsizlik edirlər, mətbuat vasitəsilə prezident İlham Əliyevə və onun həyat yoldaşı Mehriban Əliyevaya müraciət edirəm.
O deyirdi ki, vətəndaşlar qanunsuzluq və hüquqlarının pozulması ilə bağlı ona müraciət etsinlər. Mən də ona müraciət edirəm və ailəmizə qarşı bu özbaşınalığı dayandırmağı xahiş edirəm”, deyə Xasməmmədova bildirib.
* Taleh Xasməmmədov fevral ayında xuliqanlıq ittihamı ilə həbs edilib, sonradan üç il müddətinə azadlıqdan məhrum edilib.
Xasməmmədov Göyçay-Ucar bölgəsində hüquq müdafiə fəaliyyəti və özbaşınalığa və vətəndaşların hüquqlarının pozulmasına görə yerli hakimiyyəti tənqid etməsi ilə məşhurdur. -03B06-
-
- İqtisadiyyat
- 4 Avqust 2015 16:33
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz