Bakı/19.07.18/Turan: Hüquqşünas Emin Aslanın (Aslanovun) ölkədən çıxışına qadağa qoyulub. Məhdudlaşdırma onun 30 günlük inzibati həbs cəzası çəkməsindən sonra tətbiq edilib. Bu barədə Turan-a onun yaxınları bildiriblər.
Onların sözlərinə görə, Aslan dünən Qazax rayonunda sərhəd-nəzarət məntəqəsindən Gürcüstana keçmək istəyib. Amma onun sərhədi keçməsinə icazə verməyiblər, qadağanı DİN tərəfindən məhdudiyyətlə əsaslandırıblar.
Xatırladaq ki, Aslan təhsil aldığı Amerikadan qayıtdıqdan bir neçə gün sonra iyunun 4-də Bakıda saxlanılıb. O, polisə tabe olmamaqda ittiham olunub və 30 gün müddətinə həbs edilib. Yalnız bir neçə gün sonra vəkilə onun saxlanıldığı yer və məhkəmə qərarı haqqında məlumat veriblər.
Apellyasiya Məhkəməsində Aslan bildirib ki, o, uydurma ittihamla həbs edilib. Son 6-7 ildə o, müxtəlif QHT-lərlə və beynəlxalq təşkilatlarla əməkdaşlıq edib. İki il əvvəl o, Sirakuz Universitetinin magistraturasına daxil olub. -06D-
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz