İtaliya prezidentinin Azərbaycana səfərinə dair

Bakı/19.07.18/Turan: Cümə axşamı Heydər Əliyev Mərkəzində iki ölkə prezidentinin iştirakı ilə Azərbaycan-İtaliya biznes forumu keçirilib.

Çərşənbə günü axşam İtaliya prezidenti Serco Mattarellanın Bakıya rəsmi səfəri çərçivəsində onun "Heydər Əliyev" ordeni ilə təltif edilməsi mərasimi keçirilib. Eyni zamanda, prezidentin qızı Laura Mattarella "Şöhrət" ordeni, İtaliyanın xarici işlər naziri Entso Moavero-Milanezi isə "Dostluq" ordeni alıb.

Təltifetmə haqqında sərəncamda deyilir ki, Serco Mattarella iki ölkə arasında dostluq əlaqələrinin inkişafında xüsusi xidmətlərinə görə, Laura Mattarella humanitar əməkdaşlığın möhkəmləndirilməsinə görə, Entso Moavero-Milanezi isə dövlətlərarası münasibətlərin möhkəmləndirilməsinə görə təltif edilib.

Eyni zamanda, İtaliya prezidenti İlham Əliyevi və onun həyat yoldaşını Böyük Xaç Kavaleri Ordeni ilə təltif edib.

Təntənəli axşam yeməyində İlham Əliyev qeyd edib ki, bu, tarixdə İtaliya prezidentinin Azərbaycana ilk səfəridir.

İtaliya Azərbaycanın ticarət tərəfdaşları arasında və ilk növbədə energetika sahəsində yer tutur. Cənub Qaz Dəhlizi işə salındıqdan sonra bu sahədə yeni imkanlar yaranıb. İtaliyanın neft idxalatında Azərbaycan birinci yeri tutur (15%).

Cavab sözündə İtaliya prezidenti Azərbaycanın tarixən Aralıq Dənizi ölkələrinə və xüsusən İtaliyaya meyl etdiyini bildirib. O, iqtisadiyyatın müxtəlif sahələrində və humanitar sahədə, xüsusən Azərbaycanlı tələbələrin təhsili və mədəniyyət layihələrinin həyata keçirilməsi sahəsində ikitərəfli münasibətlərin fəal şəkildə inkişaf etdiyini qeyd edib. -02D-