Hüquqşünaslar Assosiasiyası məhkəmələrin monitorinqinin nəticələrini elan edib

Hüquqşünaslar assosiasiyası 2012-ci ilin sentyabrında həyata keçirilmiş məhkəmə proseslərinin və kütləvi tədbirlərin monitorinqinin yekunlarını açıqlayıb.

Monitorinq Amerikanın Demokratiyaya Dəstək Fondunun (NED) dəstəyi ilə həyata keçirilən “Siyasi hüquqların məhkəmə tərəfindən müdafiəsinin monitorinqi” layihəsi çərçivəsində aparılıb.

Xüsusən, sentyabrda rüşvət almaqda, vergi ödənişindən yayınmaqda və məhkəmə qərarlarını icra etməməkdə ittiham olunan “Xural” qəzetinin baş redaktoru Əvəz Zeynalovun məhkəmə prosesinin monitorinqi aparılıb. 

Müdafiə tərəfi bütün bu ittihamları təkzib edir. Rüşvət alma faktı yoxdur, şahidlər isə öyrədilmiş şəxslərdir. Vergilərdən yayınma ittihamı da əsassızdır, qəzet zərərlə işləyib. 

Qəzet 31 dəfə məhkəmə cərimələrinə məruz qalıb. Qəzetə qarşı bütün bu kampaniyalar onun müstəqil mövqeyi, qanunsuzluq və korrupsiya faktlarına qarşı prinsipiallığı ilə bağlıdır.

Zeynallının həbsi zamanı Avropa İnsan Hüquqları Konvensiyasının 5-ci maddəsi pozulub, onun həbsi isə lazımi şəkildə əsaslandırılmayıb.

Monitorinqin predmeti olan digər proses Liberal Partiyanın icra komitəsinin sədri Əvəz Temirxanın Vəkillər Kollegiyasına qəbul edilməsindən imina ilə bağlı şikayəti olub.

Apellyasiya şikayətinə baxılması oktyabrın 10-a qədər təxirə salınıb.

Kütləvi aksiyaların monitorinqinə gəlincə, hesabatda sentyabrın 17-də dindarların ABŞ səfirliyi qarşısında keçirilən aksiyasının dağıdılması qeyd edilir. -06D-