"İçərişəhər" administrasiyası qədim Bakı qalasının divarlarına ziyan vurulması barədə məlumatları təkzib edib
Bakı/25.04.19/Turan: "İçərişəhər" Dövlət Tarix-Memarlıq Qoruğu İdarəsi son vaxtlar bəzi media və sosial şəbəkələrdə Qala divarlarının bir hissəsinin sökülməsi, orada restoranların tikilməsi ilə bağlı məlumatlara münasibət bildirib. Məlumata sosial şəbəkələrdən götürülmüş fotolar daxil edilib.
Lakin qoruq administrasiyasının şərhindən belə məlum olur ki, fotolar "hazırda ərazidə aparılan işləri əks etdirmir, əvvəllər çəkilib. Orada göstərilən kərpiclər və digər materialların Qala divarları ilə əlaqəsi yoxdur.
Hazırda həmin ərazidə yalnız yüngül metaldan ibarət dayaqlar mövcuddur. Qala divarına bitişik hər hansı yenidənqurma işi aparılmır. Yaradılan metal dayaqlar abidədən 1.5 metr aralı quraşdırılıb.
Həmçinin yeni restoranların inşası ilə bağlı informasiya təkzib edilir.
"Həmin ərazidə restoranlar əvvəllər də olub. Bu layihədə məqsəd onları yeniləmək, daha yüksək keyfiyyətli, xoş görünüşlü tikili ərsəyə gətirməkdir. Aparılan işlər zamanı restoranların terraslarının genişləndirilməsi və müasir tələbatlara uyğunlaşdırılması nəzərdə tutulub", - məlumatda bildirilir.
"Qala divarlarına ziyan vurulması ilə bağlı sosial şəbəkələrdə və bəzi saytlarda yayılan məlumatlar əsassızdır", - məlumatda qeyd olunur. 06D-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz