İçərişəhər Qoruq İdarəsi: Sələfilər "Aşurbəy" məscidindən qanunsuz istifadə edirdilər

“İçərişəhər" Dövlət Tarix-Memarlıq Qoruq İdarəsi bu ərazidə yerləşən “Aşurbəy” məscidi ətrafındakı məsələlərə aydınlıq gətirib.

İdarəinin media üçün yaydığı açıqlamada deyilir ki, ərazidəki bir çox abidələr kimi “Aşurbəy məscidi” də UNESCO tərəfindən Dünya İrs siyahısına salınmış abidələr sırasındadır.

Açıqlamada deyilir ki, "İçərişəhər" Dövlət Tarix-Memarlıq Qoruğu İdarəsi artıq bir neçə ildir ki, Asəf Zeynallı küçəsi 55 ünvanında yerləşən və Nazirlər Kabinetinin 2001-ci il avqustun 2-də qəbul etdiyi qərarla ölkə əhəmiyyətli abidələr siyahısına daxil edilmiş Aşur məscidində bərpa-konservasiya işləri planlaşdırıb”. 

Sənəddə qeyd edilir ki, 2013-cü ildən bəri bu abidədən faktiki istifadə edən şəxslərə dəfələrlə məscidin boşaldılması barədə müraciət olunsa da, abidədən qanunsuz istifadə və ona mənfi təsirin göstərilməsi  davam etdirilib. Bu, həm də bərpa işlərinin başlanmasını yubadıb. Abidədən faktiki istifadə edənlər bununla "Tarix və mədəniyyət abidələrinin qorunması haqqında" qanunun tələblərini pozublar.

Bundan irəli gələrək idarə təxirəsalınmaz xilasedici bərpa-restavrasiya işlərinin başlanması üçün abidəni boşaltıdırıb və bir neçə gündən sonra burada işlərə başlanacaq.

Xatırladaq ki, “Aşurbəy məscidi” 1169-cu ildə ustаd Nəcəf Аşur İbrаhim оğlu tərəfindən inşа еdilib. ХIХ əsrin sоnu – ХХ əsrin əvvəllində nеft sənаyеsi inkişаf edən zamanlarda Dаğıstаn fəhlələri Bаkıya işləməyə gələndə İçərişəhər sаkinləri ibаdət üçün оnlаrа məhz bu məscidi həvаlə еdiblər. Dağıstandan gələn fəhlələrin uzun müddət burada ibadət etmələri, məscidin xalq etimalogiyasında “ləzgi məscidi” adını almasına səbəb olub.

Məscid uzun müddət sələfi təriqətinə mənsub şəxslərin namaz qıldıqları məkan olub. 2016-cı il iyulun 25-də İdarə məscidin boşaldılmasını tələb edib və iyulun 26-da məscid boşaldılıb. -05D-